WADAU WA KUPAMBANA NA UDHALILISHAJI WAPEWA NENO

 
 

                                                         NA FATMA HAMAD,PEMBA

Wanaharakati pamoja na wadau mbali mbali wa kupambana na masuala  ya Udhalilishaji  wametakiwa kuendeleza mapambano dhidi ya vitendo hivyo ili kuhakikisha wanaondosha tatizo hilo ambalo limekua likiiathiri Jamii siku hadi siku.

Wito huo umetolewa na Mkurugenzi wa Chama cha Wandishi wa habari wanawake Tanzania Zanzibar [TAMWA] Mzuri Issa Ali wakati akifungua mkutano wa siku mbili wa kuwasilisha ripoti ya utekelezaji wa majukumu yao kwa mwaka 2023 huko Ofisi za [TAMWA] Tunguu kisiwani Unguja.

Amesema vitendo vya udhalilishaji bado ni donda ndugu ambalo linaendelea kuiathiri Jamii, hivyo ni budi wanaharakati kujitoa kihali na mali kuifahamisha jamii kufahamu madhara ya udhalilishaji ili na wao waweze kuchukua hatua jambo ambalo litasaidia Watoto pamoja na wanawake kuishi kwa amani na matumaini.

‘’Niwambie wanaharakati wenzangu bado Jamii yetu inathirika na vitendo vya udhalilishaji, hivyo basi tusichoke kupiga kelele,tusivunjike moyo tuendeleekupambana,alisema.

 Wakichangia baadhi ya wadau walioshiriki mkutano huo walisema ili kufikia lengo la kuondosha Udhalilishaji Nchini ni wakati kwa watendaji wa vyombo vya kisheria ikiwemo Polisi, Mahakama, kutekeleza majukumu yao kwa uwadilifu na kuwa na ikhlasi ya hali ya juu ili kuona haki inatendeka jambo ambalo litaepusha malalamiko katika jami.

‘’Kama vyombo vya maamuzi havitobadilika na kufanya kazi zake kwa moyo wa uwadilifu  basi tutaendelea kuimba tu hatutofikia popote,walieleza wadau.

 Akiwasilisha ripoti  juu ya masuala ya udhalilishaji mwaka 2023 Mratibu wa Chama cha wandishi wa Habari Wanawake Tanzania Zanzibar Ofisi ya Pemba Fat hiya Mussa Said alisema bado suala la Rushwa muhali katika jamii limeonekana kuota mzizi, jambao linalopelekea kesi za udhalilishaji kuondolewa Mahakamani na udhalilishaji kuongezeka.

 
 Jumla ya kesi 220 za udhalilishaji zimeibuliwa na wanamtandao wa kupambana na udhalilishaji Zanzibar, kwa upande wa Pemba  ni 94, Unguja 126, ambapo 78 zipo Polisi zinaendelea na upelelezi, 19  zipo DPP, 20 zinaendelea Mahakamani, 8 zimeondolewa mahakamani, 44  zimepata uwamuzi na 51 zimemalizika kwa makubaliano.
 

 

Comments

Post a Comment

Popular posts from this blog

UTELEKEZAJI WA WANAWAKE UNAVYOKATISHA NDOTO ZA WATOTO.

Image
NA FATMA HAMAD, PEMBA …………….. SIRI ya mtungi aijuaye kata……… Wahenga wametupa usia usemao ……Hasira hasara. Wakati mwengine hio hasira sio tu huathiri aliyefanya na aliyefanyiwa, bali watu wa karibu, mbali na hata jamii kwa ujumla. Hili linaonekana sana pale ndoa inapovunjika baada ya wana ndoa kuamua lipasuke tugawane mbao, lakini misumari ya hizo mbao huwachoma na kuwaumiza wengi, wakiwemo wana familia na hasa watoto. Mara nyingi pale wazazi wakiwa wametengana baada ya ndoa kuvunjika watoto hukosa huduma muhimu za maisha na kuathirika kimwili na kiakili na kiza hutanda katika safari yao ya maisha. Mwana harakati maarufu wa kulinda na kutetea haki za watoto kisiwani Pemba, Tatu Abdala Mselem, amekuwa mara kwa mara akiiomba jamii kuvunjika kwa ndoa isiwe sababu ya kila mzazi kufumbia macho wajibu wake wa malezi ya watoto. Hii ni kwa sababu mtoto  anapokosa huduma za lazima sio tu huwa mnyonge na kujiona kama yatima aliyekosa msaada, bali huwa hana furaha anapocheza, na akili yak
Read more

Mkuu wa Polisi Jamii Kaskazini Pemba akerwa na wanao wafungia ndani watoto wenye ulemavu.

Image
                                                     NA FATMA HAMAD PEMBA. Wazazi na walezi wenye watoto   wenye ulemavu wamekumbushwa   kuacha tabia ya   kuwanyanyapaa na kuwafungia ndani   watoto hao, kwani kufanya hivyo ni udhalilishaji kwao. Akizungumza na wananchi wa kijiji cha Tumbe Mashariki katika mkutano maalumu Mkuu wa Polisi Jamii mkoa wa Kaskazini Abdala Majid Haji amesema wapo baadhi ya watu wamekuwa na itikadi potofu ya kuwachukulia watoto wenye ulemavu kama ni watu wasio na faida na badalayake huishia kuwafungia majumbani. ‘’Baadhi yetu hapa tunao watoto wetu wenye ulemavu tumewafungia tu ndani, hawatoki njee eti tunahofia jamii itatucheka,alisema. Alisema Watoto wenye ulemavu nawao ni binadamu kama wengine wanastahiki kupata haki na fursa mbali mbali kama vile Elimu, Afya,Ajira.   Alieleza kuwa ni wakati kwa wazazi wanaoishi na watoto wenye ulemavu   kubadilika na kuhakikisha wanatoa matunzo   sawa na wenzao   wengine wasio na ulemavu. Alifahamisha   udhalilis
Read more

Mrajisi wa Mahakama Zanzibar ahidi kula sahani moja na Mahakimu wasio wadilifu.

Image
        NA FATMA HAMAD,PEMBA Mrajisi wa Mahakama   Zanzibar Valentina Andrew Catema amesema hawatomvumilia Hakimu yoyote atakae kwenda kinyume na   Sheria na taratibu katika utekelezaji wa majukumu yake.   Mrajis huyo ameyasema hayo wakati akizungumza na Watendaji wa Mahakama ya Mkoani na Kengeja katika ziara malumu huko Ofisi za Mahakama ya Wilaya iliyopo Mkoani mkoa wa Kusini Pemba. Amesema wapo baadhi ya Mahakimu wamekuwa na tabia ya Ucheleweshaji wa uwendeshaji na utoaji wa hukumu, jambo ambalo linapelekea watu kukata tama na kushindwa kufuatilia kesi zao. ‘ Kama hukumu inatakiwa itolewe ndani ya siku sitini basi uhakikishe unaitoa ndani ya kipindi hicho kinachotakiwa, vyenginevyo mtawajibika,alisema. Aidha alieleza kuwa endapo watafanya majukumu yao kwa uwadilifu na sheria zinavyoelekeza kutaepusha kutokea kwa malalamiko, na kupelekea Wananchi kupata haki zao bila ya usumbufu.   Kwa upande wake Jaji Mkuu wa Zanzibar Khamis Ramadhan Abdala amewasisitiza watendaji hao kuha
Read more