WATU WENYE ULEMAVU WAIOMBA SERIKALI KUONDOSHA VIKWAZO KWENYE MIKOPO.


                                           NA FATMA HAMAD,PEMBA

VIKUNDI vya Ushirika vya Watu wenye ulemavu Kisiwani Pemba vimeiomba Serikali ya Mapinduzi Zanzibar kuwaondeshea vikwazo kwenye suala la upatikanaji wa Mikopo inayotolewa kwa ajili ya kuwawezesha Wananchi kiuchumi ili kuona watu wenye ulemavu nawao wananufaika na fursa hiyo.

Hayo yamesemwa na Omar Kombo Hamad kutoka kikundi cha Twamshukuru Allah kilichopo  mbuzini na Fatma Salim Hamud wa kikundi cha Nia njema  kutoka Ole kianga cha watu wenye ulemavu mara baada ya kumaliza mafunzo ya ya utengenezaji wa bidhaa mbali mbali ikiwemo Mafuta ya mgando ya mwani, mafuta ya mkaratusi pamoja na Jiki huko Ole mihogoni Chake chake Pemba.

 Walisema ili kuona watu wenye ulemavu wananufaika na fursa mbali mbali zilizomo kwenye Serikali, nivyema  kupatiwa mkopo  kwa mtu mmoja mmoja  na isiwe lazima wawepo kwenye Vikundi vya ushirika.

‘’Watu wengine wenye ulemavu hawawezi kuingiza Pesa[akiba] mule kwenye hisa kwani wengi hawana kazi ya kufanya mpaka tuwape sisi wazazi wao, hivyo tunaiomba Serikali  iangalie tena kwa jicho la pili  kwani masharti ya mkopo wawe kwenye kikundi ni shida kwa watu hawa,’’ walisema.

Walisema ni vyema Serikali kuwapatia posho  kila  mwisho wa mwezi kama vile Pencheni ya Wazee ili iweze kuwasaidia katika maisha yao .

Samba mba na hilo wameiomba Serikali kuwapa kipaombele watu wenye ulemavu katika Sekta mbali mbali ikiwemo ajira ili kuona nawao wanashika nyadhifa na kupata fursa zilizomo kwenye Serikali yao.

Mauwa ali Hamad wa kikundi cha Subira yavuta kheri cha Mvumoni  na  Chake chake alisema mafunzo hayo ya utengenezaji wa bidha hizo yamewafumbuwa macho, hivyo ameahidi kuyafanyia kazi ili kuona wanafanya biashara hizo jambo ambalo litaendesha kikundi chao pamoja na kujipatia kipato.

Naimu Abdala Ali kutoka kikundi cha mwisho mwema kilichopo Mabaoni Chake chake ameutaka  uongozi wa (TAMWA) kupitia mradi wake wa Kijaluba kuendelea kutoa mafunzo ya utengenezaji wa bidhaa mbali mbali kwani kutainua zaidi kipato cha watu wenye ulemavu kisiwani humo.

Nae Afisa mradi wa Kijaluba kutoka Chama cha Wandishi wa Hbari Wanawake Tanzania Tamwa Ofisi ya Pemba Muhamed Salim Khamis alisema lengo la kutoa mafunzo hayo kwa  Vikundi vya watu wenye ulemavu ni kuwawezesha watu hao kiuchumi na waweze kujikwamua na umasikini uliokithiri.

Alisema watu wenye ulemavu wamekuwa wakisahauliwa katika fursa mbali mbali za kimaendeleo, hivyo wameamua kuleta mradi huu ili kuona nwao wanashiriki katika nyanja mbali mbali mbali jambo ambalo litawafanya nawao waisha katika maisha mazuri kama watu wengine wasio na ulemavu.

‘’Tuliona miradi mingi inayoletwa na Serikali pamoja na mashirika binafsi imekuwa ikiwacha nyuma watu wenye ulemavu, hivyo tumeleta mradi huu wa kijaluba na kuwapatia mafunzo ya utengenezaji wa vitu mbali li  ili kuwapunguzia hali ngumu za kimaisha,’’ alieleza.

Jumla ya vikundi 23 vya watu wenye ulemavu kutoka wilaya ya Chake chake vimepatiwa mafunzo hayo yaliondaliwa na Chama cha Wandishi wa habari Wanawake Tanzania Zanziba( TAMWA ) kupitia mradi wake wa kijaluba  ambao unaendeshwa na Tamwa pamoja na Shirikisho la Jumuia za watu wenye ulemavu Zanzibar (Shijuwaza) chini ya ufadhili wa Jumuia ya watu wenye ulemavu  (NADI) kutoka NORWAY.



Comments

Post a Comment

Popular posts from this blog

UTELEKEZAJI WA WANAWAKE UNAVYOKATISHA NDOTO ZA WATOTO.

Image
NA FATMA HAMAD, PEMBA …………….. SIRI ya mtungi aijuaye kata……… Wahenga wametupa usia usemao ……Hasira hasara. Wakati mwengine hio hasira sio tu huathiri aliyefanya na aliyefanyiwa, bali watu wa karibu, mbali na hata jamii kwa ujumla. Hili linaonekana sana pale ndoa inapovunjika baada ya wana ndoa kuamua lipasuke tugawane mbao, lakini misumari ya hizo mbao huwachoma na kuwaumiza wengi, wakiwemo wana familia na hasa watoto. Mara nyingi pale wazazi wakiwa wametengana baada ya ndoa kuvunjika watoto hukosa huduma muhimu za maisha na kuathirika kimwili na kiakili na kiza hutanda katika safari yao ya maisha. Mwana harakati maarufu wa kulinda na kutetea haki za watoto kisiwani Pemba, Tatu Abdala Mselem, amekuwa mara kwa mara akiiomba jamii kuvunjika kwa ndoa isiwe sababu ya kila mzazi kufumbia macho wajibu wake wa malezi ya watoto. Hii ni kwa sababu mtoto  anapokosa huduma za lazima sio tu huwa mnyonge na kujiona kama yatima aliyekosa msaada, bali huwa hana furaha anapocheza, na akili yak
Read more

Mkuu wa Polisi Jamii Kaskazini Pemba akerwa na wanao wafungia ndani watoto wenye ulemavu.

Image
                                                     NA FATMA HAMAD PEMBA. Wazazi na walezi wenye watoto   wenye ulemavu wamekumbushwa   kuacha tabia ya   kuwanyanyapaa na kuwafungia ndani   watoto hao, kwani kufanya hivyo ni udhalilishaji kwao. Akizungumza na wananchi wa kijiji cha Tumbe Mashariki katika mkutano maalumu Mkuu wa Polisi Jamii mkoa wa Kaskazini Abdala Majid Haji amesema wapo baadhi ya watu wamekuwa na itikadi potofu ya kuwachukulia watoto wenye ulemavu kama ni watu wasio na faida na badalayake huishia kuwafungia majumbani. ‘’Baadhi yetu hapa tunao watoto wetu wenye ulemavu tumewafungia tu ndani, hawatoki njee eti tunahofia jamii itatucheka,alisema. Alisema Watoto wenye ulemavu nawao ni binadamu kama wengine wanastahiki kupata haki na fursa mbali mbali kama vile Elimu, Afya,Ajira.   Alieleza kuwa ni wakati kwa wazazi wanaoishi na watoto wenye ulemavu   kubadilika na kuhakikisha wanatoa matunzo   sawa na wenzao   wengine wasio na ulemavu. Alifahamisha   udhalilis
Read more

Mrajisi wa Mahakama Zanzibar ahidi kula sahani moja na Mahakimu wasio wadilifu.

Image
        NA FATMA HAMAD,PEMBA Mrajisi wa Mahakama   Zanzibar Valentina Andrew Catema amesema hawatomvumilia Hakimu yoyote atakae kwenda kinyume na   Sheria na taratibu katika utekelezaji wa majukumu yake.   Mrajis huyo ameyasema hayo wakati akizungumza na Watendaji wa Mahakama ya Mkoani na Kengeja katika ziara malumu huko Ofisi za Mahakama ya Wilaya iliyopo Mkoani mkoa wa Kusini Pemba. Amesema wapo baadhi ya Mahakimu wamekuwa na tabia ya Ucheleweshaji wa uwendeshaji na utoaji wa hukumu, jambo ambalo linapelekea watu kukata tama na kushindwa kufuatilia kesi zao. ‘ Kama hukumu inatakiwa itolewe ndani ya siku sitini basi uhakikishe unaitoa ndani ya kipindi hicho kinachotakiwa, vyenginevyo mtawajibika,alisema. Aidha alieleza kuwa endapo watafanya majukumu yao kwa uwadilifu na sheria zinavyoelekeza kutaepusha kutokea kwa malalamiko, na kupelekea Wananchi kupata haki zao bila ya usumbufu.   Kwa upande wake Jaji Mkuu wa Zanzibar Khamis Ramadhan Abdala amewasisitiza watendaji hao kuha
Read more