WAZIRI KADUARA ATOA MAGIZO KWA WIZARA YA KILIMO NA YA MAJI


                       NA FATMA HAMAD, PEMBA

WAZIRI wa Maji na Nishati Zanzibar  Shaib Hassan Kaduara  ameitaka wizara ya Kilimo kushirikiana na Wizara ya Maji kuhakikisha wanachimba Kisima katika eneyo la Chamanangwe pamoja na maeneo mengine, jambo ambalo litawasaidia wakulima kupata Maji na kuweza kuzalisha mazao kwa wingi.

Waziri huyo ameyasema hayo wakati akizungumza na wananchi pamoja na viongozi mbali mbali katika hafla ya  ufungaji wa siku ya Chakula duniani huko Chamanangwe  wilaya ya Wete mkoa wa Kaskazini Pemba alisema Maji ni moja ya chanjo kikubwa kinachotegemewa na wakulima wengi kwa ajili ya uzalishaji wa mazao.

Alisema maji ndio msingi mkuu wa upatikanaji wa Chakula, hivyo ni wakati kwa wizara ya maji kuhakikisha wanasambaza maji katika maeneo mbali mbali na  wakulima waweze kuzalisha mazao mengi ili  kupatikana kwa chakula cha kutosha.

‘’Ni wakati kwa Mamlaka ya Maji pamoja na wizara ya  Kilimo kuchimba Kisima katika eneo la Chamanangwe na hata Vijijini kote ili wakulima waweze kulima mazao ambayo yatatusaidia katika maisha yetu,’’alisema.

Aidha aliwaomba Wananchi kujikita zaidi katika Sekta ya kilimo ili waweze kujiajiri, na kujipatia  chakula ambacho kitasaidia kuondokana na Njaa Kisiwani humo.


Akisoma Hotuba kwa niaba ya Mratibu wa Umoja wa Mataifa Nchini Tanzania  mwakilishi kutoka  Shirika la Kilimo na Chakula Duniani (FAO)  Stela Kiambi alisema maji ni chanzo kikubwa kinachosaidia kuondokana na njaa pamoja na umasikini Nchini.

Alieleza kuwa ukosefu wa maji unawadhibu watu zaidi ya Bilioni mbili pointi 4 Duniani kote,  ambapo asilimia 10 wanaishi katika Nchi zenye ukosefu mkubwa wa Maji.

‘’Wakulima wadogo hasa wanawake pamoja na vijana wako hatarini zaidi kukosa maji,’’ alisema.

Katibu mkuu wizara ya Kilimo maliasili na Mifugo Seif Shaban Mwinyi alisema kuwa bila ya kuwepo kwa huduma ya Maji hakuwezi kupatikana kwa maendeleo, hivyo ni wakati Serikali kuhakikisha inaimarisha huduma hiyo Vijijini kote ili kuona kunaondokana na upungufu mkubwa wa Chakula pamoja na matunda. 


Nae mkuu wa mkoa wa Kaskazini Pemba Salama Mbarouk Khatib alisema atahakikisha anaimarisha suala la Aamani na utulivu ili kuona Wanachi wanaendelea na shuhuli zao hizo za kimaendeleo bila ya tatizo lolote.

Maonesho hayo ya siku ya Chakula Duniani yaliendelea kwa muda wa siku 7 hapo katika viwanja vya Chamanangwe ambapo ujumbe wa mwaka huu unasema Maji ni uhai, Maji ni chakula hachwi mtu nyuma.



 

Comments

Post a Comment

Popular posts from this blog

UTELEKEZAJI WA WANAWAKE UNAVYOKATISHA NDOTO ZA WATOTO.

Image
NA FATMA HAMAD, PEMBA …………….. SIRI ya mtungi aijuaye kata……… Wahenga wametupa usia usemao ……Hasira hasara. Wakati mwengine hio hasira sio tu huathiri aliyefanya na aliyefanyiwa, bali watu wa karibu, mbali na hata jamii kwa ujumla. Hili linaonekana sana pale ndoa inapovunjika baada ya wana ndoa kuamua lipasuke tugawane mbao, lakini misumari ya hizo mbao huwachoma na kuwaumiza wengi, wakiwemo wana familia na hasa watoto. Mara nyingi pale wazazi wakiwa wametengana baada ya ndoa kuvunjika watoto hukosa huduma muhimu za maisha na kuathirika kimwili na kiakili na kiza hutanda katika safari yao ya maisha. Mwana harakati maarufu wa kulinda na kutetea haki za watoto kisiwani Pemba, Tatu Abdala Mselem, amekuwa mara kwa mara akiiomba jamii kuvunjika kwa ndoa isiwe sababu ya kila mzazi kufumbia macho wajibu wake wa malezi ya watoto. Hii ni kwa sababu mtoto  anapokosa huduma za lazima sio tu huwa mnyonge na kujiona kama yatima aliyekosa msaada, bali huwa hana furaha anapocheza, na akili yak
Read more

Mkuu wa Polisi Jamii Kaskazini Pemba akerwa na wanao wafungia ndani watoto wenye ulemavu.

Image
                                                     NA FATMA HAMAD PEMBA. Wazazi na walezi wenye watoto   wenye ulemavu wamekumbushwa   kuacha tabia ya   kuwanyanyapaa na kuwafungia ndani   watoto hao, kwani kufanya hivyo ni udhalilishaji kwao. Akizungumza na wananchi wa kijiji cha Tumbe Mashariki katika mkutano maalumu Mkuu wa Polisi Jamii mkoa wa Kaskazini Abdala Majid Haji amesema wapo baadhi ya watu wamekuwa na itikadi potofu ya kuwachukulia watoto wenye ulemavu kama ni watu wasio na faida na badalayake huishia kuwafungia majumbani. ‘’Baadhi yetu hapa tunao watoto wetu wenye ulemavu tumewafungia tu ndani, hawatoki njee eti tunahofia jamii itatucheka,alisema. Alisema Watoto wenye ulemavu nawao ni binadamu kama wengine wanastahiki kupata haki na fursa mbali mbali kama vile Elimu, Afya,Ajira.   Alieleza kuwa ni wakati kwa wazazi wanaoishi na watoto wenye ulemavu   kubadilika na kuhakikisha wanatoa matunzo   sawa na wenzao   wengine wasio na ulemavu. Alifahamisha   udhalilis
Read more

Mrajisi wa Mahakama Zanzibar ahidi kula sahani moja na Mahakimu wasio wadilifu.

Image
        NA FATMA HAMAD,PEMBA Mrajisi wa Mahakama   Zanzibar Valentina Andrew Catema amesema hawatomvumilia Hakimu yoyote atakae kwenda kinyume na   Sheria na taratibu katika utekelezaji wa majukumu yake.   Mrajis huyo ameyasema hayo wakati akizungumza na Watendaji wa Mahakama ya Mkoani na Kengeja katika ziara malumu huko Ofisi za Mahakama ya Wilaya iliyopo Mkoani mkoa wa Kusini Pemba. Amesema wapo baadhi ya Mahakimu wamekuwa na tabia ya Ucheleweshaji wa uwendeshaji na utoaji wa hukumu, jambo ambalo linapelekea watu kukata tama na kushindwa kufuatilia kesi zao. ‘ Kama hukumu inatakiwa itolewe ndani ya siku sitini basi uhakikishe unaitoa ndani ya kipindi hicho kinachotakiwa, vyenginevyo mtawajibika,alisema. Aidha alieleza kuwa endapo watafanya majukumu yao kwa uwadilifu na sheria zinavyoelekeza kutaepusha kutokea kwa malalamiko, na kupelekea Wananchi kupata haki zao bila ya usumbufu.   Kwa upande wake Jaji Mkuu wa Zanzibar Khamis Ramadhan Abdala amewasisitiza watendaji hao kuha
Read more