AACHIWA HURU BAADA YA KUDAIWA KUMUINGILIA KINYUME NA MAUMBILE MKE WAKE WA NDOA

 

NA FATMA HAMAD, PEMBA
MTUHUMIWA aliekuwa akidaiwa kumuigilia kinyume na maumbile  mke wake, ameishangaza Mahkama maalum ya kupambana na udhalilishaji ya mkoa kaskazini Pemba, kwa kudai kupatiwa ulinzi baada ya kuachiliwa huru mahakamani hapo.

 Baada ya kuachiwa huru mtuhumiwa  huyo Mahakamani hapo aliomba Mahakama impatie ulinzi ili apelekwe nyumbani kwao kutokana na hofu aliokua nayo kitu ambacho mahakama ilikataa kufanya hivyo.

Mtuhumiwa  huyo Haji Hamad Juma miaka 28, mkaazi wa Majenzi, wilaya ya Micheweni mkoa wa Kaskazini Pemba aliishukuru mahakama hiyo  kwa kutenda haki kwani hajafanya kosa hilo bali alisingiziwa tu na mke wake kwa vile walikuwa hawana maelewano sikunyingi na huku akimdai talaka.

‘’Naishukuru mahakama kwa kuliona hilo, kwani sijamfanyia mimi mke wangu kitendo hicho, ila  naamini alinibambikizia tu kesi kwa vile si kutaka kumpa talaka kama alivyokua akinidai kwa muda mrefu,’’ alieleza mtuhumiwa.

Awali Hakimu wa mahakama hiyo  Ali Abdul Rahman Ali alisema mtuhumiwa huyo amelazimika kumuachia huru, kutokana na ushahidi uliotolewa mahakamani hapo kutomunganisha na kesi husika.

 ‘’Baada ya utetezi huo alioutoa yeye  mshitakiwa kuwa sikunyingi mke wake akimdai talaka na hakutaka kumpa, Mahakama imejiridhisha na kuona  kwamba  hiyo ni kesi tu ya kusingiziwa na mke wake,’’ alisema hakimu huyo.

Mwendesha mashtaka wa Serikali kutoka ofisi ya mkurugenzi wa mashtaka DPP Juma Mussa Omar aliambia Mahakama hiyo kuwa hakuridhishwa na uwamuzi huo na kuweka indhari ya kukata rufaa.

‘’Mheshimiwa  hakimu  kwa uwamuzi uliofikiwa mahakamani hapa Ofisi ya mkurugenzi wa mashtaka haikuridhika na itakata rufaa juu ya shauri hilo,’’ alieleza.

Awali ilidaiwa mahakamani hapo kuwa mtuhumiwa huyo alimuingilia kinyume na maumbile mke wake wa ndoa, tokeo lililotokea machi 2 mwaka huu ambapo kufanya hivyo ni kosa kinyume na kifungu cha 113 [a] sheria ya adhabu sheria namba 6/ya mwaka 2018 sheria ya Zanzibar.

Comments

Post a Comment

Popular posts from this blog

UTELEKEZAJI WA WANAWAKE UNAVYOKATISHA NDOTO ZA WATOTO.

Image
NA FATMA HAMAD, PEMBA …………….. SIRI ya mtungi aijuaye kata……… Wahenga wametupa usia usemao ……Hasira hasara. Wakati mwengine hio hasira sio tu huathiri aliyefanya na aliyefanyiwa, bali watu wa karibu, mbali na hata jamii kwa ujumla. Hili linaonekana sana pale ndoa inapovunjika baada ya wana ndoa kuamua lipasuke tugawane mbao, lakini misumari ya hizo mbao huwachoma na kuwaumiza wengi, wakiwemo wana familia na hasa watoto. Mara nyingi pale wazazi wakiwa wametengana baada ya ndoa kuvunjika watoto hukosa huduma muhimu za maisha na kuathirika kimwili na kiakili na kiza hutanda katika safari yao ya maisha. Mwana harakati maarufu wa kulinda na kutetea haki za watoto kisiwani Pemba, Tatu Abdala Mselem, amekuwa mara kwa mara akiiomba jamii kuvunjika kwa ndoa isiwe sababu ya kila mzazi kufumbia macho wajibu wake wa malezi ya watoto. Hii ni kwa sababu mtoto  anapokosa huduma za lazima sio tu huwa mnyonge na kujiona kama yatima aliyekosa msaada, bali huwa hana furaha anapocheza, na akili yak
Read more

Mkuu wa Polisi Jamii Kaskazini Pemba akerwa na wanao wafungia ndani watoto wenye ulemavu.

Image
                                                     NA FATMA HAMAD PEMBA. Wazazi na walezi wenye watoto   wenye ulemavu wamekumbushwa   kuacha tabia ya   kuwanyanyapaa na kuwafungia ndani   watoto hao, kwani kufanya hivyo ni udhalilishaji kwao. Akizungumza na wananchi wa kijiji cha Tumbe Mashariki katika mkutano maalumu Mkuu wa Polisi Jamii mkoa wa Kaskazini Abdala Majid Haji amesema wapo baadhi ya watu wamekuwa na itikadi potofu ya kuwachukulia watoto wenye ulemavu kama ni watu wasio na faida na badalayake huishia kuwafungia majumbani. ‘’Baadhi yetu hapa tunao watoto wetu wenye ulemavu tumewafungia tu ndani, hawatoki njee eti tunahofia jamii itatucheka,alisema. Alisema Watoto wenye ulemavu nawao ni binadamu kama wengine wanastahiki kupata haki na fursa mbali mbali kama vile Elimu, Afya,Ajira.   Alieleza kuwa ni wakati kwa wazazi wanaoishi na watoto wenye ulemavu   kubadilika na kuhakikisha wanatoa matunzo   sawa na wenzao   wengine wasio na ulemavu. Alifahamisha   udhalilis
Read more

Mrajisi wa Mahakama Zanzibar ahidi kula sahani moja na Mahakimu wasio wadilifu.

Image
        NA FATMA HAMAD,PEMBA Mrajisi wa Mahakama   Zanzibar Valentina Andrew Catema amesema hawatomvumilia Hakimu yoyote atakae kwenda kinyume na   Sheria na taratibu katika utekelezaji wa majukumu yake.   Mrajis huyo ameyasema hayo wakati akizungumza na Watendaji wa Mahakama ya Mkoani na Kengeja katika ziara malumu huko Ofisi za Mahakama ya Wilaya iliyopo Mkoani mkoa wa Kusini Pemba. Amesema wapo baadhi ya Mahakimu wamekuwa na tabia ya Ucheleweshaji wa uwendeshaji na utoaji wa hukumu, jambo ambalo linapelekea watu kukata tama na kushindwa kufuatilia kesi zao. ‘ Kama hukumu inatakiwa itolewe ndani ya siku sitini basi uhakikishe unaitoa ndani ya kipindi hicho kinachotakiwa, vyenginevyo mtawajibika,alisema. Aidha alieleza kuwa endapo watafanya majukumu yao kwa uwadilifu na sheria zinavyoelekeza kutaepusha kutokea kwa malalamiko, na kupelekea Wananchi kupata haki zao bila ya usumbufu.   Kwa upande wake Jaji Mkuu wa Zanzibar Khamis Ramadhan Abdala amewasisitiza watendaji hao kuha
Read more