WADAU WAOMBA SHERIA ZINAZOHUSU MASUALA YA UDHALILISHAJI ZIFANYIWE MAREKEBISHO

 


                                NA FATMA HAMAD PEMBA.

Mratibu wa chama cha wandishi wa habari wanawake Tanzania Tamwa ofisi ya Pemba Fathiya Mussa Said amewataka wandishi wa habari kupaza sauti zao  kwa kuzisemea sheria mbali mbali  zenye mapungufu   ambazo zinazohusu masuala ya udhalilishaji wa kijinsia  ziweze kufanyiwa marekebisho ili zinaendana na hali ya sasa.

Mratibu huyo ameyasema hayo huko ofisini kwake  Mkanjuni Chake chake wakati akifunga mafunzo ya siku mbili  yanayohusu  mradi wa kuhamasisha hatua za kitaifa dhidi ya vitendo vya udhalilishaji Zanzibar kwa wandishi wa vyombo mbali mbali kisiwani Pemba .

Amesema licha juhudi mbali mbali zinazochukuliwa ili kuondosha udhalilishaji lakini bado kuna vifungu vya sheria vinaleta ukakasi jambo ambalo linakwaza  harakati za utetezi dhidi ya masuala hayo.

‘’Vipo vifungu mbali mbali vya sheria vinakandamiza  masuala ya udhalilishaji hivyo ni jukumu lenu wandishi wa habari kuvipiga kelele ili kuona vinarekebishwa na kuona vinaleta mabadiliko juu ya masuala haya ya  udhalilishaji’’ alieleza mratib.

Akiwasilisha mada mwanasheria kutoka Ofisi ya mkurugenzi wa mashtaka [dpp] Ali Amour  Makame  amesema  miongoni mwa sheria ambazo zinavifungu vinavyoonesha mapungufu ni Sheria ya kumlinda mwari na mtoto wa mzazi mmoja, Sheria ya Ushahidi, Sheria ya mtoto, Sheria ya Jinai na Madai.

Amesema ni vyema vikangaliwa na kufanyiwa marekebisho vifungu vinavyoonyesha mapungufu  katika sheria hizo jambo ambalo litaepusha migongano katika uendeshaji wa kesi hizo.

Wakiwa katika mjadala wa pamoja wandishi waliopewa mafunzo hayo wamesema nivyema kuwepo na adhabu kali kwa pande zote mbili mke na mume wakati watakapokutwa wakifanya vitendo vya udhalilisha jambo ambalo litasaidia kupungua kwa matendo hayo.



 


Comments

Post a Comment

Popular posts from this blog

UTELEKEZAJI WA WANAWAKE UNAVYOKATISHA NDOTO ZA WATOTO.

Image
NA FATMA HAMAD, PEMBA …………….. SIRI ya mtungi aijuaye kata……… Wahenga wametupa usia usemao ……Hasira hasara. Wakati mwengine hio hasira sio tu huathiri aliyefanya na aliyefanyiwa, bali watu wa karibu, mbali na hata jamii kwa ujumla. Hili linaonekana sana pale ndoa inapovunjika baada ya wana ndoa kuamua lipasuke tugawane mbao, lakini misumari ya hizo mbao huwachoma na kuwaumiza wengi, wakiwemo wana familia na hasa watoto. Mara nyingi pale wazazi wakiwa wametengana baada ya ndoa kuvunjika watoto hukosa huduma muhimu za maisha na kuathirika kimwili na kiakili na kiza hutanda katika safari yao ya maisha. Mwana harakati maarufu wa kulinda na kutetea haki za watoto kisiwani Pemba, Tatu Abdala Mselem, amekuwa mara kwa mara akiiomba jamii kuvunjika kwa ndoa isiwe sababu ya kila mzazi kufumbia macho wajibu wake wa malezi ya watoto. Hii ni kwa sababu mtoto  anapokosa huduma za lazima sio tu huwa mnyonge na kujiona kama yatima aliyekosa msaada, bali huwa hana furaha anapocheza, na akili yak
Read more

Mkuu wa Polisi Jamii Kaskazini Pemba akerwa na wanao wafungia ndani watoto wenye ulemavu.

Image
                                                     NA FATMA HAMAD PEMBA. Wazazi na walezi wenye watoto   wenye ulemavu wamekumbushwa   kuacha tabia ya   kuwanyanyapaa na kuwafungia ndani   watoto hao, kwani kufanya hivyo ni udhalilishaji kwao. Akizungumza na wananchi wa kijiji cha Tumbe Mashariki katika mkutano maalumu Mkuu wa Polisi Jamii mkoa wa Kaskazini Abdala Majid Haji amesema wapo baadhi ya watu wamekuwa na itikadi potofu ya kuwachukulia watoto wenye ulemavu kama ni watu wasio na faida na badalayake huishia kuwafungia majumbani. ‘’Baadhi yetu hapa tunao watoto wetu wenye ulemavu tumewafungia tu ndani, hawatoki njee eti tunahofia jamii itatucheka,alisema. Alisema Watoto wenye ulemavu nawao ni binadamu kama wengine wanastahiki kupata haki na fursa mbali mbali kama vile Elimu, Afya,Ajira.   Alieleza kuwa ni wakati kwa wazazi wanaoishi na watoto wenye ulemavu   kubadilika na kuhakikisha wanatoa matunzo   sawa na wenzao   wengine wasio na ulemavu. Alifahamisha   udhalilis
Read more

Mrajisi wa Mahakama Zanzibar ahidi kula sahani moja na Mahakimu wasio wadilifu.

Image
        NA FATMA HAMAD,PEMBA Mrajisi wa Mahakama   Zanzibar Valentina Andrew Catema amesema hawatomvumilia Hakimu yoyote atakae kwenda kinyume na   Sheria na taratibu katika utekelezaji wa majukumu yake.   Mrajis huyo ameyasema hayo wakati akizungumza na Watendaji wa Mahakama ya Mkoani na Kengeja katika ziara malumu huko Ofisi za Mahakama ya Wilaya iliyopo Mkoani mkoa wa Kusini Pemba. Amesema wapo baadhi ya Mahakimu wamekuwa na tabia ya Ucheleweshaji wa uwendeshaji na utoaji wa hukumu, jambo ambalo linapelekea watu kukata tama na kushindwa kufuatilia kesi zao. ‘ Kama hukumu inatakiwa itolewe ndani ya siku sitini basi uhakikishe unaitoa ndani ya kipindi hicho kinachotakiwa, vyenginevyo mtawajibika,alisema. Aidha alieleza kuwa endapo watafanya majukumu yao kwa uwadilifu na sheria zinavyoelekeza kutaepusha kutokea kwa malalamiko, na kupelekea Wananchi kupata haki zao bila ya usumbufu.   Kwa upande wake Jaji Mkuu wa Zanzibar Khamis Ramadhan Abdala amewasisitiza watendaji hao kuha
Read more