MUHALI BADO NI TATIZO.

 

NA FATMA HAMAD PEMBA.

Jamii imekumbushwa kujitokeza kwa wingi mahakamani kutoa  ushahidi kwa kesi za udhalilishaji   jambo ambalo  litasaidia  wahalifu wa makosa hayo kutiwa hatiani na kupata hukumu.

Ukumbusho huo umetolewa na Hakimu wa mahakama aneshughulikia kesi za udhalilishaji  Mkoa wa Kusini Pemba Muumin Ali Juma  wakati akizungumza na mwandishi wa habari hizi huko ofisini kwake amesema licha  ya Serikali ya Mapinduzi kuweka mikakati mbali mbali ili kuondosha makosa hayo,  ikiwemo uwepo wa mahakama maalumu lakini bado wananchi hawajataka kutoa ushirikiano juu ya mahakama hiyo.

Amesema wananchi waliowengi hawataki kusimama mahakamani kutoa ushahidi na badala yake  huyakalia kitako na kuyafanyia suluhu matukio ya udhalilishaji wakati yanapotokezea katika familia zao  hali ambayo inasababisha kesi nyingi kufutwa mahamani kutokana na kukosa ushahidi.

‘’ kwa kweli  tunakilio kikubwa  Jamii  wenyewe hawajataka kuyaondosha matendo ya udhalilishaji’’ alisema hakimu Muumin.

Alifafanua kuwa kesi nyingi ambazo hazitiwi hatiani na kupata hukumu ni za watoto kuanzia miaka 15 hadi 17.

Alieleza kuwa kila mmoja kwa nafasi yake  aweze kuumwa na vitendo vya udhalilishaji na kuweza kuchukua hatua kwani  kumbuka leo kafanyiwa mtoto wa mwenzako kesho  huenda akafanyiwa wa kwako.

Kwa upandewake  Fatma Rashid Abdala  mwanaharakati wa kupinga masuala ya udhalilishaji kutoka shehia ya Sizini alisema nivyema kwa Serikali kuwachukulia hatua kali za kisheria kwa wale wote wanaokataa kutoa ushahidi ili  iwe muarubaini  wa hilo.

Nae   mratibu wa chama cha wandishi wa habari wanawake Tanzania Tamwa Fathiya  Mussa  Said amesema wakati umefika kwa wananchi kuacha muhali  juu ya masauala ya udhalilishaji.

Jumla ya mashauri 37  ya udhalilishaji yamepokelewa mahakamani hapo  tokea kuanzishwa mahakama maalumu kwa mwaka huu wa 2022, ambapo mashauri 32  yalirithiwa kutoka mahakama mchanganyiko, mashauri 42 tayari yameshatolewa mamuzi kati ya hayo 7  ndio yaliopata hatia, yaliobakia yalifutwa kutokana na kukosa ushahidi.

 

 

Comments

Post a Comment

Popular posts from this blog

UTELEKEZAJI WA WANAWAKE UNAVYOKATISHA NDOTO ZA WATOTO.

Image
NA FATMA HAMAD, PEMBA …………….. SIRI ya mtungi aijuaye kata……… Wahenga wametupa usia usemao ……Hasira hasara. Wakati mwengine hio hasira sio tu huathiri aliyefanya na aliyefanyiwa, bali watu wa karibu, mbali na hata jamii kwa ujumla. Hili linaonekana sana pale ndoa inapovunjika baada ya wana ndoa kuamua lipasuke tugawane mbao, lakini misumari ya hizo mbao huwachoma na kuwaumiza wengi, wakiwemo wana familia na hasa watoto. Mara nyingi pale wazazi wakiwa wametengana baada ya ndoa kuvunjika watoto hukosa huduma muhimu za maisha na kuathirika kimwili na kiakili na kiza hutanda katika safari yao ya maisha. Mwana harakati maarufu wa kulinda na kutetea haki za watoto kisiwani Pemba, Tatu Abdala Mselem, amekuwa mara kwa mara akiiomba jamii kuvunjika kwa ndoa isiwe sababu ya kila mzazi kufumbia macho wajibu wake wa malezi ya watoto. Hii ni kwa sababu mtoto  anapokosa huduma za lazima sio tu huwa mnyonge na kujiona kama yatima aliyekosa msaada, bali huwa hana furaha anapocheza, na akili yak
Read more

Mkuu wa Polisi Jamii Kaskazini Pemba akerwa na wanao wafungia ndani watoto wenye ulemavu.

Image
                                                     NA FATMA HAMAD PEMBA. Wazazi na walezi wenye watoto   wenye ulemavu wamekumbushwa   kuacha tabia ya   kuwanyanyapaa na kuwafungia ndani   watoto hao, kwani kufanya hivyo ni udhalilishaji kwao. Akizungumza na wananchi wa kijiji cha Tumbe Mashariki katika mkutano maalumu Mkuu wa Polisi Jamii mkoa wa Kaskazini Abdala Majid Haji amesema wapo baadhi ya watu wamekuwa na itikadi potofu ya kuwachukulia watoto wenye ulemavu kama ni watu wasio na faida na badalayake huishia kuwafungia majumbani. ‘’Baadhi yetu hapa tunao watoto wetu wenye ulemavu tumewafungia tu ndani, hawatoki njee eti tunahofia jamii itatucheka,alisema. Alisema Watoto wenye ulemavu nawao ni binadamu kama wengine wanastahiki kupata haki na fursa mbali mbali kama vile Elimu, Afya,Ajira.   Alieleza kuwa ni wakati kwa wazazi wanaoishi na watoto wenye ulemavu   kubadilika na kuhakikisha wanatoa matunzo   sawa na wenzao   wengine wasio na ulemavu. Alifahamisha   udhalilis
Read more

Mrajisi wa Mahakama Zanzibar ahidi kula sahani moja na Mahakimu wasio wadilifu.

Image
        NA FATMA HAMAD,PEMBA Mrajisi wa Mahakama   Zanzibar Valentina Andrew Catema amesema hawatomvumilia Hakimu yoyote atakae kwenda kinyume na   Sheria na taratibu katika utekelezaji wa majukumu yake.   Mrajis huyo ameyasema hayo wakati akizungumza na Watendaji wa Mahakama ya Mkoani na Kengeja katika ziara malumu huko Ofisi za Mahakama ya Wilaya iliyopo Mkoani mkoa wa Kusini Pemba. Amesema wapo baadhi ya Mahakimu wamekuwa na tabia ya Ucheleweshaji wa uwendeshaji na utoaji wa hukumu, jambo ambalo linapelekea watu kukata tama na kushindwa kufuatilia kesi zao. ‘ Kama hukumu inatakiwa itolewe ndani ya siku sitini basi uhakikishe unaitoa ndani ya kipindi hicho kinachotakiwa, vyenginevyo mtawajibika,alisema. Aidha alieleza kuwa endapo watafanya majukumu yao kwa uwadilifu na sheria zinavyoelekeza kutaepusha kutokea kwa malalamiko, na kupelekea Wananchi kupata haki zao bila ya usumbufu.   Kwa upande wake Jaji Mkuu wa Zanzibar Khamis Ramadhan Abdala amewasisitiza watendaji hao kuha
Read more