RUSHWA MUHALI BADO NI TATIZO KWA JAMII

 

NA FATMA HAMAD PEMBA.

Imebanika kuwa  rushwa  muhali  bado  ni  kilio  kikubwa  kinachoendelea  kuikumba  jamii  hali ambayo  inapelekea   kesi  nyingi  za  udhalilishaji  kufutwa  Mahakamani  kutokana  na kukosa  ushahidi.

Wakizungumza  katika mkutano  wa  robo mwaka wa kujadili juu  ya  utekelezaji  wa  majukumu yao wana mtandao  wa kupinga udhalilishaji kutoka  wilaya  ya  Mkoani huko  ukumbi wa Chama cha Wandishi  wa habari Wanawake Tanzania [Tamwa] iliyopo chake chake Pemba.

Wamesema licha ya juhudi  zinazoendelea  kuchukuliwa na Serikali pamoja na wanaharakati mbali mbali  ya kuwafahamisha jamii kufahamu  madhara ya udhalilishaji lakini bado juhudi hizo zinagonga mwamba.

Wamesema  wamebaini kuwa  wengi wafanyaji  wa matukio hayo huwa ni ndugu wa familia  moja, hivyo huzimalizia mitaani hawaendi kutoa ushahidi  kwa kuhofia ugomvi katika familia zao.

‘’Sasa hivi kunapotokezea udhalilishaji huamua kupigishana faini wenye kwa wenyewe majumbani hawendi katika vyombo vya sheria kwa kuogopa mtuhumiwa asije akafungwa’’ walisema wadau.

Walisema licha ya kuwa shahidi  ambae amefanyiwa udhalilishaji atatoa ushahidi wake vizuri  katika hatua za awali  mwisho wa siku hupewa sumu ili kukanusha ushahidi alioutoa  ilimradi tu uonekane  kuwa ni wa uongo.


Kwa upande wake Rashidi Mshamata kutoka wilaya ya wete  amsema  ili  kuondosha hilo nivyema  Serikali  kuweka  nyumba salama za kuwekwa mashahidi  ambao pia ni wathirika wa matukio hayao.

‘’Shahidi akirudi kwenye jamii yake anapikwa anaiva hatoi ushahidi wa kweli, na laiti zingelikuepo hizo nyumba salama tungefanikiwa’’ alisema Rashid.

Nae mratibu chama cha wandishi wa habari Wanawake [TAMWA] Ofisi ya Pemba Fathiya Mussa Said amewashauri  wanamtandao hao pamoja na wandishi wa habari wasivunjike moyo waendelee kuielimisha jamii ili kuondoka na udhalilishaji hapa Nchini.

Jumla ya kesi 10 za udhalilishaji wa kijinsia zimeibuliwa na wanamtandao hao katika wilaya ya Mkoani kwa kipindi cha January hadi Mei mwaka huu.





Comments

Post a Comment

Popular posts from this blog

UTELEKEZAJI WA WANAWAKE UNAVYOKATISHA NDOTO ZA WATOTO.

Image
NA FATMA HAMAD, PEMBA …………….. SIRI ya mtungi aijuaye kata……… Wahenga wametupa usia usemao ……Hasira hasara. Wakati mwengine hio hasira sio tu huathiri aliyefanya na aliyefanyiwa, bali watu wa karibu, mbali na hata jamii kwa ujumla. Hili linaonekana sana pale ndoa inapovunjika baada ya wana ndoa kuamua lipasuke tugawane mbao, lakini misumari ya hizo mbao huwachoma na kuwaumiza wengi, wakiwemo wana familia na hasa watoto. Mara nyingi pale wazazi wakiwa wametengana baada ya ndoa kuvunjika watoto hukosa huduma muhimu za maisha na kuathirika kimwili na kiakili na kiza hutanda katika safari yao ya maisha. Mwana harakati maarufu wa kulinda na kutetea haki za watoto kisiwani Pemba, Tatu Abdala Mselem, amekuwa mara kwa mara akiiomba jamii kuvunjika kwa ndoa isiwe sababu ya kila mzazi kufumbia macho wajibu wake wa malezi ya watoto. Hii ni kwa sababu mtoto  anapokosa huduma za lazima sio tu huwa mnyonge na kujiona kama yatima aliyekosa msaada, bali huwa hana furaha anapocheza, na akili yak
Read more

Mkuu wa Polisi Jamii Kaskazini Pemba akerwa na wanao wafungia ndani watoto wenye ulemavu.

Image
                                                     NA FATMA HAMAD PEMBA. Wazazi na walezi wenye watoto   wenye ulemavu wamekumbushwa   kuacha tabia ya   kuwanyanyapaa na kuwafungia ndani   watoto hao, kwani kufanya hivyo ni udhalilishaji kwao. Akizungumza na wananchi wa kijiji cha Tumbe Mashariki katika mkutano maalumu Mkuu wa Polisi Jamii mkoa wa Kaskazini Abdala Majid Haji amesema wapo baadhi ya watu wamekuwa na itikadi potofu ya kuwachukulia watoto wenye ulemavu kama ni watu wasio na faida na badalayake huishia kuwafungia majumbani. ‘’Baadhi yetu hapa tunao watoto wetu wenye ulemavu tumewafungia tu ndani, hawatoki njee eti tunahofia jamii itatucheka,alisema. Alisema Watoto wenye ulemavu nawao ni binadamu kama wengine wanastahiki kupata haki na fursa mbali mbali kama vile Elimu, Afya,Ajira.   Alieleza kuwa ni wakati kwa wazazi wanaoishi na watoto wenye ulemavu   kubadilika na kuhakikisha wanatoa matunzo   sawa na wenzao   wengine wasio na ulemavu. Alifahamisha   udhalilis
Read more

Mrajisi wa Mahakama Zanzibar ahidi kula sahani moja na Mahakimu wasio wadilifu.

Image
        NA FATMA HAMAD,PEMBA Mrajisi wa Mahakama   Zanzibar Valentina Andrew Catema amesema hawatomvumilia Hakimu yoyote atakae kwenda kinyume na   Sheria na taratibu katika utekelezaji wa majukumu yake.   Mrajis huyo ameyasema hayo wakati akizungumza na Watendaji wa Mahakama ya Mkoani na Kengeja katika ziara malumu huko Ofisi za Mahakama ya Wilaya iliyopo Mkoani mkoa wa Kusini Pemba. Amesema wapo baadhi ya Mahakimu wamekuwa na tabia ya Ucheleweshaji wa uwendeshaji na utoaji wa hukumu, jambo ambalo linapelekea watu kukata tama na kushindwa kufuatilia kesi zao. ‘ Kama hukumu inatakiwa itolewe ndani ya siku sitini basi uhakikishe unaitoa ndani ya kipindi hicho kinachotakiwa, vyenginevyo mtawajibika,alisema. Aidha alieleza kuwa endapo watafanya majukumu yao kwa uwadilifu na sheria zinavyoelekeza kutaepusha kutokea kwa malalamiko, na kupelekea Wananchi kupata haki zao bila ya usumbufu.   Kwa upande wake Jaji Mkuu wa Zanzibar Khamis Ramadhan Abdala amewasisitiza watendaji hao kuha
Read more