UMOJA WA VILABU UNAWATAKA WANANCHI KUJITOKEZA KATIKA MADHIMISHO YA SIKU 16 YA KUPINGA UDHALILISHAJI

 Katika kuelekea maadhimisho ya   siku  16  ya  kupinga udhalilishaji wa kijinsia Zanzubar Umoja wa vilabu vya mazoezi   kisiwani Pemba umedhamiria kufanya bonanza malum la kuadhimisha siku hiyo jumamosi ya  tarehe 11 mwezi  huu huko katika Uwanja wa michezo Gombani Chake chake.

Akizungumza na wandishi wa habari katika ofisi za Tamwa Mkanjuni Chake chake katibu wa jumuia ya umoja wa vilabu vya mazoezi kisiwani Pemba Khalfan Amour Mohd alisema  umoja huo umeamua kuadhimisha siku hiyo ili kuunga mkono juhudi za Serikali katika mapambano dhidi ya ukatili wa wanawake na watoto ambao umekua ukiwakumba mara kwa mara katika jamii.

Alisema kumekuwepo na vitendo vingi vya ukatili wa kijinsia ambavyo huakumba zaid Wanawake na watoto, hivyo wameona ipo haja nawao kuchukua jitihada za makusudi  za kuzipigia kelele zile kero ambazo zinawakumba wanawake na watoto katika jamii na kuzifikisha katika mamlaka husika ili kuona haki inatendeka.

‘’Tumeona kwa vitendo vya udhalilishaji vinafanyika katika jamii zetu tunazoishi, hivyo tumeamua na sisi tujitolee na tuweze kushirikiana na wadau mbali mbali kupiga vita vitendo hivy’’ alisema katibu.

Alisema  ili kupunguza tatizo hili hapa Nchini ni vyema kila mmoja kwa nafasi yake kuchukua hatua ipasavyo pamoja na kufanya kazi zao kwa uadilifu kwa misingi ya sheria na nidhamu.


Kwa upande wake mkurugenzi wa chama cha wandishi wa habari wanawake Tanzania [ Tamwa] Mzuri Issa  amesema kufuatia juhudi zinazochukuliwa na wanaharakati mbali mbali kuielimisha jamii juu ya madhara yatokanayo  udhalilisha wananchi wamehamasika katika kuziripoti kesi za udhalilishaji kwa mamlaka husika ukilinganisha na miaka iliyopita.

Aidha ameipongeza Serikali ya mapinduzi ya Zanzibar kwa  kuweka mikakati mbali mbali ili kuona kesi hizi zinaendeshwa kwa haraka na kupatiwa hukumu.

Bonanza hilo linatarajiwa kufanyika  Disemba 11 mwaka huu,ambalo limeandaliwa na umoja wa vilabu vya mazoezi kwa kushirikiana na Chama cha wandishi wa habari Wanawake Tanzani [TAMWA], Jumuia ya watu wenye ulemavu kisiwani pemba [ZAPDD]  bonanza hilo ambalo litakua na matembezi kuanzia madungu chake chake hadi uwanja wa Gombani.



Comments

Post a Comment

Popular posts from this blog

UTELEKEZAJI WA WANAWAKE UNAVYOKATISHA NDOTO ZA WATOTO.

Image
NA FATMA HAMAD, PEMBA …………….. SIRI ya mtungi aijuaye kata……… Wahenga wametupa usia usemao ……Hasira hasara. Wakati mwengine hio hasira sio tu huathiri aliyefanya na aliyefanyiwa, bali watu wa karibu, mbali na hata jamii kwa ujumla. Hili linaonekana sana pale ndoa inapovunjika baada ya wana ndoa kuamua lipasuke tugawane mbao, lakini misumari ya hizo mbao huwachoma na kuwaumiza wengi, wakiwemo wana familia na hasa watoto. Mara nyingi pale wazazi wakiwa wametengana baada ya ndoa kuvunjika watoto hukosa huduma muhimu za maisha na kuathirika kimwili na kiakili na kiza hutanda katika safari yao ya maisha. Mwana harakati maarufu wa kulinda na kutetea haki za watoto kisiwani Pemba, Tatu Abdala Mselem, amekuwa mara kwa mara akiiomba jamii kuvunjika kwa ndoa isiwe sababu ya kila mzazi kufumbia macho wajibu wake wa malezi ya watoto. Hii ni kwa sababu mtoto  anapokosa huduma za lazima sio tu huwa mnyonge na kujiona kama yatima aliyekosa msaada, bali huwa hana furaha anapocheza, na akili yak
Read more

Mkuu wa Polisi Jamii Kaskazini Pemba akerwa na wanao wafungia ndani watoto wenye ulemavu.

Image
                                                     NA FATMA HAMAD PEMBA. Wazazi na walezi wenye watoto   wenye ulemavu wamekumbushwa   kuacha tabia ya   kuwanyanyapaa na kuwafungia ndani   watoto hao, kwani kufanya hivyo ni udhalilishaji kwao. Akizungumza na wananchi wa kijiji cha Tumbe Mashariki katika mkutano maalumu Mkuu wa Polisi Jamii mkoa wa Kaskazini Abdala Majid Haji amesema wapo baadhi ya watu wamekuwa na itikadi potofu ya kuwachukulia watoto wenye ulemavu kama ni watu wasio na faida na badalayake huishia kuwafungia majumbani. ‘’Baadhi yetu hapa tunao watoto wetu wenye ulemavu tumewafungia tu ndani, hawatoki njee eti tunahofia jamii itatucheka,alisema. Alisema Watoto wenye ulemavu nawao ni binadamu kama wengine wanastahiki kupata haki na fursa mbali mbali kama vile Elimu, Afya,Ajira.   Alieleza kuwa ni wakati kwa wazazi wanaoishi na watoto wenye ulemavu   kubadilika na kuhakikisha wanatoa matunzo   sawa na wenzao   wengine wasio na ulemavu. Alifahamisha   udhalilis
Read more

Mrajisi wa Mahakama Zanzibar ahidi kula sahani moja na Mahakimu wasio wadilifu.

Image
        NA FATMA HAMAD,PEMBA Mrajisi wa Mahakama   Zanzibar Valentina Andrew Catema amesema hawatomvumilia Hakimu yoyote atakae kwenda kinyume na   Sheria na taratibu katika utekelezaji wa majukumu yake.   Mrajis huyo ameyasema hayo wakati akizungumza na Watendaji wa Mahakama ya Mkoani na Kengeja katika ziara malumu huko Ofisi za Mahakama ya Wilaya iliyopo Mkoani mkoa wa Kusini Pemba. Amesema wapo baadhi ya Mahakimu wamekuwa na tabia ya Ucheleweshaji wa uwendeshaji na utoaji wa hukumu, jambo ambalo linapelekea watu kukata tama na kushindwa kufuatilia kesi zao. ‘ Kama hukumu inatakiwa itolewe ndani ya siku sitini basi uhakikishe unaitoa ndani ya kipindi hicho kinachotakiwa, vyenginevyo mtawajibika,alisema. Aidha alieleza kuwa endapo watafanya majukumu yao kwa uwadilifu na sheria zinavyoelekeza kutaepusha kutokea kwa malalamiko, na kupelekea Wananchi kupata haki zao bila ya usumbufu.   Kwa upande wake Jaji Mkuu wa Zanzibar Khamis Ramadhan Abdala amewasisitiza watendaji hao kuha
Read more