SERIKALI YATAKIWA KUJENGA VINDA ABAVYO VITATOA AJIRA KWA VIJANA

 

NA SAID ABRAHMAN PEMBA.

 JAMII imeiomba Serikali kujenga viwanda vya kusindikia samaki ili kwenda sambamba na dhana ya uchumi wa bluu.

 Wakijadili mada juu ya uchumi wa bluu katika kikao kilichoandaliwa na taasisi ya Action aid, huko Kojani Mkoa wa Kaskazini Pemba, wananchi wa Kisiwa hicho walisema kuwa ni vyema kwa Serikali kuanzisha viwanda hivyo ili waweze kunufaika na mazao yanayotokana na bahari na kufikia azma ya uchumi wa bluu.

 Walieleza kuwa wananchi wananchi walio wengi hawajawa na uelewa sahihi juu ya dhana ya uchumi wa bluu, hivyo ni vyema kwa Wizara husika kutoa taaluma kwa wananchi ili waweze kuelewa maana yake.

 Hamad Juma mjumbe wa Kikundi Cha Mduara alisema kuwa ili Serikali iweze kukuza uchumi wa bluu na kukuza hali za maisha ya wananchi lazima iweze kujenga viwanda vya kusindikia samaki ili iweze kwenda sambamba na azma yenyewe ya Uchumi wa bluu.

 Alieleza kuwa endapo Serikali itaweza kujenga viwanda hivyo wananchi wengi wataweza kunufaika ikiwa ni pamoja na kupata ajira ambazo zitainua hali zao za kiuchumi.

 "Serikali ikiweza kufanya jambo hili la kuweka viwanda vya kusindikia samaki naamini wananchi wengi wataweza kupata nafasi za ajira katika viwanda hivyo,lakini pia hata wale samaki ambao watavuliwa wataweza kuhifadhika kiurahisi zaidi," alisema Hamad.

 Nae Mohammed Juma Ali mkaazi wa Kojani aliwaomba watendaji wa Wizara husika kushuka chini kwa wananchi ili kuelimisha mantiki ya uchumi wa bluu ili wananchi waweze kufahamu dhana hiyo.

 Aidha Mohammed aliiomba Wizara hiyo kuandaa mikakati maalum ambayo itatekelezeka na kutoa ufanisi mzuri kwa watendaji wake ili wananchi waweze kufaidika na uchumi wa bluu.

 Mapema Mohammed alieleza kuwa katika bahari Kuna faida nyingi ambazo zinapatikana ikiwemo uvuvi, kilimo Cha mwani, ufugaji wa majongoo, mapambo ya nyumbani,madini pamoja na mafuta ambavyo vyote vina faida kwa jamii na taifa kwa ujumla.

 "Katika bahari Kuna faida nyingi sana ambazo zinapatikana na zinaleta tija kwetu ikiwemo kilimo,ufugaji, mapambo na madini", alieleza Mohammed.

 Nae Mwenyekiti wa Kikundi Cha Mduara Kombo Hamad Kombo aliiomba Serikali kutilia maanani suala zima la upatikanaji wa bima kwa wavuvi.

 Alisema kuwa imekuwa ni shida kubwa kwa wavuvi wakati wanapopata matatizo wakiwa katika harakati zao za uvuvi.

 "Mara nyingi sisi wavuvi tunaovua maeneo ya mbali huwa tunapata matatizo mbali mbali ikiwemo kupotelewa na nyavu zetu au hata mashine zetu, hivyo tunaiomba Serikali kufanya jitihada za makusudi ili kuona wavuvi wanapatiwa bima ambayo itaweza kuwasaidia pale wanapitokezewa na matatizo,"alisema Mwenyekiti Kombo.

 

Comments

Post a Comment

Popular posts from this blog

UTELEKEZAJI WA WANAWAKE UNAVYOKATISHA NDOTO ZA WATOTO.

Image
NA FATMA HAMAD, PEMBA …………….. SIRI ya mtungi aijuaye kata……… Wahenga wametupa usia usemao ……Hasira hasara. Wakati mwengine hio hasira sio tu huathiri aliyefanya na aliyefanyiwa, bali watu wa karibu, mbali na hata jamii kwa ujumla. Hili linaonekana sana pale ndoa inapovunjika baada ya wana ndoa kuamua lipasuke tugawane mbao, lakini misumari ya hizo mbao huwachoma na kuwaumiza wengi, wakiwemo wana familia na hasa watoto. Mara nyingi pale wazazi wakiwa wametengana baada ya ndoa kuvunjika watoto hukosa huduma muhimu za maisha na kuathirika kimwili na kiakili na kiza hutanda katika safari yao ya maisha. Mwana harakati maarufu wa kulinda na kutetea haki za watoto kisiwani Pemba, Tatu Abdala Mselem, amekuwa mara kwa mara akiiomba jamii kuvunjika kwa ndoa isiwe sababu ya kila mzazi kufumbia macho wajibu wake wa malezi ya watoto. Hii ni kwa sababu mtoto  anapokosa huduma za lazima sio tu huwa mnyonge na kujiona kama yatima aliyekosa msaada, bali huwa hana furaha anapocheza, na akili yak
Read more

Mkuu wa Polisi Jamii Kaskazini Pemba akerwa na wanao wafungia ndani watoto wenye ulemavu.

Image
                                                     NA FATMA HAMAD PEMBA. Wazazi na walezi wenye watoto   wenye ulemavu wamekumbushwa   kuacha tabia ya   kuwanyanyapaa na kuwafungia ndani   watoto hao, kwani kufanya hivyo ni udhalilishaji kwao. Akizungumza na wananchi wa kijiji cha Tumbe Mashariki katika mkutano maalumu Mkuu wa Polisi Jamii mkoa wa Kaskazini Abdala Majid Haji amesema wapo baadhi ya watu wamekuwa na itikadi potofu ya kuwachukulia watoto wenye ulemavu kama ni watu wasio na faida na badalayake huishia kuwafungia majumbani. ‘’Baadhi yetu hapa tunao watoto wetu wenye ulemavu tumewafungia tu ndani, hawatoki njee eti tunahofia jamii itatucheka,alisema. Alisema Watoto wenye ulemavu nawao ni binadamu kama wengine wanastahiki kupata haki na fursa mbali mbali kama vile Elimu, Afya,Ajira.   Alieleza kuwa ni wakati kwa wazazi wanaoishi na watoto wenye ulemavu   kubadilika na kuhakikisha wanatoa matunzo   sawa na wenzao   wengine wasio na ulemavu. Alifahamisha   udhalilis
Read more

Mrajisi wa Mahakama Zanzibar ahidi kula sahani moja na Mahakimu wasio wadilifu.

Image
        NA FATMA HAMAD,PEMBA Mrajisi wa Mahakama   Zanzibar Valentina Andrew Catema amesema hawatomvumilia Hakimu yoyote atakae kwenda kinyume na   Sheria na taratibu katika utekelezaji wa majukumu yake.   Mrajis huyo ameyasema hayo wakati akizungumza na Watendaji wa Mahakama ya Mkoani na Kengeja katika ziara malumu huko Ofisi za Mahakama ya Wilaya iliyopo Mkoani mkoa wa Kusini Pemba. Amesema wapo baadhi ya Mahakimu wamekuwa na tabia ya Ucheleweshaji wa uwendeshaji na utoaji wa hukumu, jambo ambalo linapelekea watu kukata tama na kushindwa kufuatilia kesi zao. ‘ Kama hukumu inatakiwa itolewe ndani ya siku sitini basi uhakikishe unaitoa ndani ya kipindi hicho kinachotakiwa, vyenginevyo mtawajibika,alisema. Aidha alieleza kuwa endapo watafanya majukumu yao kwa uwadilifu na sheria zinavyoelekeza kutaepusha kutokea kwa malalamiko, na kupelekea Wananchi kupata haki zao bila ya usumbufu.   Kwa upande wake Jaji Mkuu wa Zanzibar Khamis Ramadhan Abdala amewasisitiza watendaji hao kuha
Read more