HATIMAE MWANAFUNZI WA DARASA LA TANO MWENYE ULEMAVU WA KIUNGO APATIWA MSAADA.


 NA FATMA HAMAD FAKI,PEMBA

Hatimae  Wahisani na wafadhili wameanza kujitokeza kumsaidia  kijana Anifu  Jeilani Isaa mwenye ulemavu wa viungo,  mwanafunzi wa darasa la tano katika skuli ya msingi Ole  ambae ilikua anakabiliwa na changamoto ya baskeli ya maringi mawili kwa ajili ya kwendea skuli.

Akikabidhi msaada huo Katibu wa CCM Jimbo la Ole Yakoub Khalfani Shaha kwa niaba ya Mwakilishi wa Jimbo hilo ambaye pia ni Waziri wa nchi Ofisi ya Raisi Tawala za Mikoa Serikali za Mitaa na Idara Maalum za SMZ Masoud Ali Mohd ,alisema msaada huo umekuja baada ya kuona taarifa zilizo rushwa kwenye mitandao ya kijamii juu ya shida inayo mkabili kijana huyo iliyosababisha kukatisha masomo yake.

‘’Baada ya taarifa zilizo samba mitandaoni juu ya shida zilizokuwa zikimkabili kijana huyo tumeamua kumsaidia ili aondokanae na kero hizo’’ alisema katibu huyo.

Mapema Diwani wa Wadi ya Ole Khadija Henok Maziku  alisema utoaji wa  msaada huo kwa mwakilishi huyo ni katika utekelezaji wa ahadi zake alizoziweka kwa wanajimbo hilo kuhakikisha anatatua kero mbali mbali za wananchi wake.

Akitoa shukrani za dhati Mama mkubwa wa mtoto huyo Fatma Moh’d Omar mara baada ya kupatiwa msaada kwa kijana wake huyo alisema kuwa utaweza kumsaidia kutafuta haki yake ya msingi ya elimu huku akimshauri mwakilishi huyo kuendelea kumsadia.

Aidha bi Khadija aliwataka wazazi wenye watoto walemavu kuacha tabia ya kuwafungia majumbani na badala yake wawapeleke Skuli  pamoja na madrasa ili waweze kujipatia haki yao ya elimu.

Vifaa vilivotolewa na mwakilishi wa jimbo hilo ni pamoja na kibaiskeli,  mabuku, viatu pamoja na Mkoba wa wa Skuli.



Comments

Post a Comment

Popular posts from this blog

UTELEKEZAJI WA WANAWAKE UNAVYOKATISHA NDOTO ZA WATOTO.

Image
NA FATMA HAMAD, PEMBA …………….. SIRI ya mtungi aijuaye kata……… Wahenga wametupa usia usemao ……Hasira hasara. Wakati mwengine hio hasira sio tu huathiri aliyefanya na aliyefanyiwa, bali watu wa karibu, mbali na hata jamii kwa ujumla. Hili linaonekana sana pale ndoa inapovunjika baada ya wana ndoa kuamua lipasuke tugawane mbao, lakini misumari ya hizo mbao huwachoma na kuwaumiza wengi, wakiwemo wana familia na hasa watoto. Mara nyingi pale wazazi wakiwa wametengana baada ya ndoa kuvunjika watoto hukosa huduma muhimu za maisha na kuathirika kimwili na kiakili na kiza hutanda katika safari yao ya maisha. Mwana harakati maarufu wa kulinda na kutetea haki za watoto kisiwani Pemba, Tatu Abdala Mselem, amekuwa mara kwa mara akiiomba jamii kuvunjika kwa ndoa isiwe sababu ya kila mzazi kufumbia macho wajibu wake wa malezi ya watoto. Hii ni kwa sababu mtoto  anapokosa huduma za lazima sio tu huwa mnyonge na kujiona kama yatima aliyekosa msaada, bali huwa hana furaha anapocheza, na akili yak
Read more

Mkuu wa Polisi Jamii Kaskazini Pemba akerwa na wanao wafungia ndani watoto wenye ulemavu.

Image
                                                     NA FATMA HAMAD PEMBA. Wazazi na walezi wenye watoto   wenye ulemavu wamekumbushwa   kuacha tabia ya   kuwanyanyapaa na kuwafungia ndani   watoto hao, kwani kufanya hivyo ni udhalilishaji kwao. Akizungumza na wananchi wa kijiji cha Tumbe Mashariki katika mkutano maalumu Mkuu wa Polisi Jamii mkoa wa Kaskazini Abdala Majid Haji amesema wapo baadhi ya watu wamekuwa na itikadi potofu ya kuwachukulia watoto wenye ulemavu kama ni watu wasio na faida na badalayake huishia kuwafungia majumbani. ‘’Baadhi yetu hapa tunao watoto wetu wenye ulemavu tumewafungia tu ndani, hawatoki njee eti tunahofia jamii itatucheka,alisema. Alisema Watoto wenye ulemavu nawao ni binadamu kama wengine wanastahiki kupata haki na fursa mbali mbali kama vile Elimu, Afya,Ajira.   Alieleza kuwa ni wakati kwa wazazi wanaoishi na watoto wenye ulemavu   kubadilika na kuhakikisha wanatoa matunzo   sawa na wenzao   wengine wasio na ulemavu. Alifahamisha   udhalilis
Read more

Mrajisi wa Mahakama Zanzibar ahidi kula sahani moja na Mahakimu wasio wadilifu.

Image
        NA FATMA HAMAD,PEMBA Mrajisi wa Mahakama   Zanzibar Valentina Andrew Catema amesema hawatomvumilia Hakimu yoyote atakae kwenda kinyume na   Sheria na taratibu katika utekelezaji wa majukumu yake.   Mrajis huyo ameyasema hayo wakati akizungumza na Watendaji wa Mahakama ya Mkoani na Kengeja katika ziara malumu huko Ofisi za Mahakama ya Wilaya iliyopo Mkoani mkoa wa Kusini Pemba. Amesema wapo baadhi ya Mahakimu wamekuwa na tabia ya Ucheleweshaji wa uwendeshaji na utoaji wa hukumu, jambo ambalo linapelekea watu kukata tama na kushindwa kufuatilia kesi zao. ‘ Kama hukumu inatakiwa itolewe ndani ya siku sitini basi uhakikishe unaitoa ndani ya kipindi hicho kinachotakiwa, vyenginevyo mtawajibika,alisema. Aidha alieleza kuwa endapo watafanya majukumu yao kwa uwadilifu na sheria zinavyoelekeza kutaepusha kutokea kwa malalamiko, na kupelekea Wananchi kupata haki zao bila ya usumbufu.   Kwa upande wake Jaji Mkuu wa Zanzibar Khamis Ramadhan Abdala amewasisitiza watendaji hao kuha
Read more