UMASKINI WAPELEKEA WATOTO 6 WENYE ULEMAVU WA AKILI NA VIUNGO KUSHINDWA KUPATA HUDUMA MUHIMU ZA KIJAMII

Wazazi wa watoto sita wenye ulemavu wa akili na viungo huko Kinyasini Mikarafuuni Wilaya ya Wete Pemba wamewaomba wasamaria wema kuwapatia msaada  ili kuweza kuwahudumia watoto wao, kwani kwa sasa wanashindwa kutokana na hali ngumu waliyonao jambo lililosababisha  kuwakatisha masomo.

Akizungumza na wandishi wa habari huko nyumbani kwake  Kinyasini Wete  baba mzazi wa watoto hao Saleh Juma Saleh ambapo ameanza kwa kueleza faraja  alioipata huko nyuma wakati watoto hao wakiwa ni wadogo kwa kufikwa na baadhi ya wahisani pamoja na viongozi wa serikali.

‘’Kipindi cha nyuma nashukuru walikuja watu wengi ikiwemo Serikali kuniona hali yangu na kunifariji, ila kwa sasa ni nadra na hali imezidi kuwa ngumu kwangu, alisema baba watoto.

Amefahamisha kuwa awali walikua wanasoma Shule ila kwa sasahivi wameshindwa kuendelea tena kutokana na ugumu wa maisha.

‘’Nimewakatisha masomo kutokana na uwezo,  Gari ipo ila sina mafuta ya kutia  kila siku na kuwapelekea shule,  na hivi saivi gari imelala bandani haina mafuta’’ Alieleza baba watoto.

Alifahamisha kuwa mda mwingi anatakiwa kubaki nyumbani kwa ajili ya kulea watoto hao, hivyo anashindwa hata kutoka na kwenda kutafuta Rizki jambo linasababisha maisha yao kuzidi kuwa magumu.

‘’Sasa Hivi  watoto  hawa wanahitaji ukae nao kwa ukaribu,  kwani wengine tayari wameshatimia umri wa utuuzima,  wanahitaji uangalizi wa hali ya juu ili kuwakinga na vitendo vya udhalilishaji,’’Aliendelea kueleza baba.

Aidha baba huyo amesema Kuwa  anakumbana na changamoto kubwa ya kuwapatia matibu watoto wake hao  walemavu sita pindi wanapoumwa.

‘’Wanapoumwa huumwa wote kwa pamoja nashindwa kuwapeleka Spitali wote, na kuwanunulia dawa wote  nashindwa sina uwezo,’’ Alisema baba.

Miongoni mwa viongozi waliofika kuwaona watoto hao katika mwaka 2013, ambapo watoto hao wakiwa bado ni wadogo ni aliyekuwa Makamo wa Kwanza wa Rais wa Zanzibar  na mwenyekiti wa baraza la mapinduzi Marehemu Maalim Seif Sharrif Hamad.

Licha ya kuwa na ulemavu wa akili watoto hao ambao  wanaume  ni wawili, [2]  na
wanawake ni  wa nne [4]  pia wana ulemavu wa viongo na wanapotembea  kutumia miguu na mikono. 


Comments

Post a Comment

Popular posts from this blog

UTELEKEZAJI WA WANAWAKE UNAVYOKATISHA NDOTO ZA WATOTO.

Image
NA FATMA HAMAD, PEMBA …………….. SIRI ya mtungi aijuaye kata……… Wahenga wametupa usia usemao ……Hasira hasara. Wakati mwengine hio hasira sio tu huathiri aliyefanya na aliyefanyiwa, bali watu wa karibu, mbali na hata jamii kwa ujumla. Hili linaonekana sana pale ndoa inapovunjika baada ya wana ndoa kuamua lipasuke tugawane mbao, lakini misumari ya hizo mbao huwachoma na kuwaumiza wengi, wakiwemo wana familia na hasa watoto. Mara nyingi pale wazazi wakiwa wametengana baada ya ndoa kuvunjika watoto hukosa huduma muhimu za maisha na kuathirika kimwili na kiakili na kiza hutanda katika safari yao ya maisha. Mwana harakati maarufu wa kulinda na kutetea haki za watoto kisiwani Pemba, Tatu Abdala Mselem, amekuwa mara kwa mara akiiomba jamii kuvunjika kwa ndoa isiwe sababu ya kila mzazi kufumbia macho wajibu wake wa malezi ya watoto. Hii ni kwa sababu mtoto  anapokosa huduma za lazima sio tu huwa mnyonge na kujiona kama yatima aliyekosa msaada, bali huwa hana furaha anapocheza, na akili yak
Read more

Mkuu wa Polisi Jamii Kaskazini Pemba akerwa na wanao wafungia ndani watoto wenye ulemavu.

Image
                                                     NA FATMA HAMAD PEMBA. Wazazi na walezi wenye watoto   wenye ulemavu wamekumbushwa   kuacha tabia ya   kuwanyanyapaa na kuwafungia ndani   watoto hao, kwani kufanya hivyo ni udhalilishaji kwao. Akizungumza na wananchi wa kijiji cha Tumbe Mashariki katika mkutano maalumu Mkuu wa Polisi Jamii mkoa wa Kaskazini Abdala Majid Haji amesema wapo baadhi ya watu wamekuwa na itikadi potofu ya kuwachukulia watoto wenye ulemavu kama ni watu wasio na faida na badalayake huishia kuwafungia majumbani. ‘’Baadhi yetu hapa tunao watoto wetu wenye ulemavu tumewafungia tu ndani, hawatoki njee eti tunahofia jamii itatucheka,alisema. Alisema Watoto wenye ulemavu nawao ni binadamu kama wengine wanastahiki kupata haki na fursa mbali mbali kama vile Elimu, Afya,Ajira.   Alieleza kuwa ni wakati kwa wazazi wanaoishi na watoto wenye ulemavu   kubadilika na kuhakikisha wanatoa matunzo   sawa na wenzao   wengine wasio na ulemavu. Alifahamisha   udhalilis
Read more

Mrajisi wa Mahakama Zanzibar ahidi kula sahani moja na Mahakimu wasio wadilifu.

Image
        NA FATMA HAMAD,PEMBA Mrajisi wa Mahakama   Zanzibar Valentina Andrew Catema amesema hawatomvumilia Hakimu yoyote atakae kwenda kinyume na   Sheria na taratibu katika utekelezaji wa majukumu yake.   Mrajis huyo ameyasema hayo wakati akizungumza na Watendaji wa Mahakama ya Mkoani na Kengeja katika ziara malumu huko Ofisi za Mahakama ya Wilaya iliyopo Mkoani mkoa wa Kusini Pemba. Amesema wapo baadhi ya Mahakimu wamekuwa na tabia ya Ucheleweshaji wa uwendeshaji na utoaji wa hukumu, jambo ambalo linapelekea watu kukata tama na kushindwa kufuatilia kesi zao. ‘ Kama hukumu inatakiwa itolewe ndani ya siku sitini basi uhakikishe unaitoa ndani ya kipindi hicho kinachotakiwa, vyenginevyo mtawajibika,alisema. Aidha alieleza kuwa endapo watafanya majukumu yao kwa uwadilifu na sheria zinavyoelekeza kutaepusha kutokea kwa malalamiko, na kupelekea Wananchi kupata haki zao bila ya usumbufu.   Kwa upande wake Jaji Mkuu wa Zanzibar Khamis Ramadhan Abdala amewasisitiza watendaji hao kuha
Read more