TAMWA INAENDELEA KUWAPIKA WANAJAMII JUU YA UTHUBUTU WA KUSIMAMA MAHAKAMANI KUTOA USHAHIDI.


 NA FATMAN HAMAD PEMBA.

Jamii imetakiwa  kusimama  kidete mahakamani kutoa ushahidi katika kesi za udhalilishaji ili  kuhakikisha watuhumiwa wa makosa hayo wametiwa hatiani na kupata adhabu.

Akizungumza na wananchi wa Chokocho wilaya ya Mkoani Pemba katika mkutano wa uhamasishaji juu ya umuhimu wa kutoa ushahidi Ali Amour Makame kutoka Ofisi ya Mkurugenzi wa mashtaka [ DPP]  Chake chake amesema kesi nyingi zinakwama mahakamani kutokana na kukosa ushahidi.

Amesema  wengi wafanyaji wa matukio hao ni watu wa karibu na familia, hivyo wengi wanashindwa kwenda mahakamani kwa kuhofia ugomvi katika familia zao.

‘’Jamii  hawataki kutoa ushahidi wanaogopa watu wao  kufungwa  kwani wengi wanaofanya udhalilishaji ni watu wa karibu Ami, Baba wa kambo,  Mjomba na kadalika.

Amesema Bila ya kupatikana ushahidi unaostahiki hakuwezi kuwa na kesi hivyo  ni  vyema jamii kuacha muhali  na waweko tayari kushirikiana na vyombo vya sheria ili kuwafichua wahalifu wanaowahujumu watoto na kuondokana na tatizo hilo.

Mapema Afisa Dawati la Jinsia kutoka  wilaya ya Mkoani Rehema  Mjawiei amesema kama jamii haitoacha muhali juu ya kesi hizi kutapelekea kuongezeka  kwa udhalilishaji na kupatikana kwa watoto mabaradhuli.

‘’Hali ni tete jamani ya udhalilishaji, acheni muhali ili tuweze kuwanusuru watoto wetu,’’ Alisema Afisa dawati.

Hivyo amewataka Wazazi na walezi kushirikiana kwa pamoja katika malezi na kufuatilia nyendo za watoto wao ili kuwalinda na udhalilishaji.

Baadhi ya wananchi waliohudhuria mkutano huo  wamewataka wahusika wa vyombo vya sheria wanaoshuhulikia kesi hizo kuziendesha kwa uwadilifu wa hali ya juu na kutoa adhabu kubwa kwa watendaji wa makosa hayo kwani kutasaidia kuondokana  na matendo hayo.

Mratibu wa chama cha wandishi wa habari Wanawake Tanzania Zanzibar [Tamwa]  ofisi ya Pemba Fathiya Mussa Saidasema lengo la mkutano huo ni kuelimisha jamii juu ya umuhimu wa  kuripoti na kutoa ushahidi mahakamani pindi itakapotokezea udhalilishaji katika maeneo  yao wanaoishi.



Comments

Post a Comment

Popular posts from this blog

UTELEKEZAJI WA WANAWAKE UNAVYOKATISHA NDOTO ZA WATOTO.

Image
NA FATMA HAMAD, PEMBA …………….. SIRI ya mtungi aijuaye kata……… Wahenga wametupa usia usemao ……Hasira hasara. Wakati mwengine hio hasira sio tu huathiri aliyefanya na aliyefanyiwa, bali watu wa karibu, mbali na hata jamii kwa ujumla. Hili linaonekana sana pale ndoa inapovunjika baada ya wana ndoa kuamua lipasuke tugawane mbao, lakini misumari ya hizo mbao huwachoma na kuwaumiza wengi, wakiwemo wana familia na hasa watoto. Mara nyingi pale wazazi wakiwa wametengana baada ya ndoa kuvunjika watoto hukosa huduma muhimu za maisha na kuathirika kimwili na kiakili na kiza hutanda katika safari yao ya maisha. Mwana harakati maarufu wa kulinda na kutetea haki za watoto kisiwani Pemba, Tatu Abdala Mselem, amekuwa mara kwa mara akiiomba jamii kuvunjika kwa ndoa isiwe sababu ya kila mzazi kufumbia macho wajibu wake wa malezi ya watoto. Hii ni kwa sababu mtoto  anapokosa huduma za lazima sio tu huwa mnyonge na kujiona kama yatima aliyekosa msaada, bali huwa hana furaha anapocheza, na akili yak
Read more

Mkuu wa Polisi Jamii Kaskazini Pemba akerwa na wanao wafungia ndani watoto wenye ulemavu.

Image
                                                     NA FATMA HAMAD PEMBA. Wazazi na walezi wenye watoto   wenye ulemavu wamekumbushwa   kuacha tabia ya   kuwanyanyapaa na kuwafungia ndani   watoto hao, kwani kufanya hivyo ni udhalilishaji kwao. Akizungumza na wananchi wa kijiji cha Tumbe Mashariki katika mkutano maalumu Mkuu wa Polisi Jamii mkoa wa Kaskazini Abdala Majid Haji amesema wapo baadhi ya watu wamekuwa na itikadi potofu ya kuwachukulia watoto wenye ulemavu kama ni watu wasio na faida na badalayake huishia kuwafungia majumbani. ‘’Baadhi yetu hapa tunao watoto wetu wenye ulemavu tumewafungia tu ndani, hawatoki njee eti tunahofia jamii itatucheka,alisema. Alisema Watoto wenye ulemavu nawao ni binadamu kama wengine wanastahiki kupata haki na fursa mbali mbali kama vile Elimu, Afya,Ajira.   Alieleza kuwa ni wakati kwa wazazi wanaoishi na watoto wenye ulemavu   kubadilika na kuhakikisha wanatoa matunzo   sawa na wenzao   wengine wasio na ulemavu. Alifahamisha   udhalilis
Read more

Mrajisi wa Mahakama Zanzibar ahidi kula sahani moja na Mahakimu wasio wadilifu.

Image
        NA FATMA HAMAD,PEMBA Mrajisi wa Mahakama   Zanzibar Valentina Andrew Catema amesema hawatomvumilia Hakimu yoyote atakae kwenda kinyume na   Sheria na taratibu katika utekelezaji wa majukumu yake.   Mrajis huyo ameyasema hayo wakati akizungumza na Watendaji wa Mahakama ya Mkoani na Kengeja katika ziara malumu huko Ofisi za Mahakama ya Wilaya iliyopo Mkoani mkoa wa Kusini Pemba. Amesema wapo baadhi ya Mahakimu wamekuwa na tabia ya Ucheleweshaji wa uwendeshaji na utoaji wa hukumu, jambo ambalo linapelekea watu kukata tama na kushindwa kufuatilia kesi zao. ‘ Kama hukumu inatakiwa itolewe ndani ya siku sitini basi uhakikishe unaitoa ndani ya kipindi hicho kinachotakiwa, vyenginevyo mtawajibika,alisema. Aidha alieleza kuwa endapo watafanya majukumu yao kwa uwadilifu na sheria zinavyoelekeza kutaepusha kutokea kwa malalamiko, na kupelekea Wananchi kupata haki zao bila ya usumbufu.   Kwa upande wake Jaji Mkuu wa Zanzibar Khamis Ramadhan Abdala amewasisitiza watendaji hao kuha
Read more