DC MICHEWENI APIGA VITA UNYANYAPAA DHIDI YA WATOTO WENYE ULEMAVU

 


NA FATMA HAMAD -- PEMBA.

Wazazi   na   walezi   wenye  watoto  wenye  ulemavu  wametakiwa  kuwapeleka   Skuli pamoja na madrasa  ili nawao  waweze kujipatia haki yao  ya elimu kama watoto wengine.

Kauli hiyo imetolewa na mkuu wa wilaya ya Micheweni Mgeni Khatib Yahya wakati akizungumza na mwandishi wa habari hizi  kwa njia ya simu alisema bado wapo wazazi wanatabia ya kuwaficha watoto wenye ulemavu na badalake kuwakosesha haki zao.

‘’Niwaombe wazazi waache tabia ya kuwafungia ndani watoto wenye ulemavu kwani  nawao  ni binadamu kama wengine wanahitaji kupata haki zote stahiki, ’’alisema mkuu wa Wilaya.

Alieleza wapo wazazi katika jamii  wanapozaa watoto wenye ulemavu  wamekuwa wakiwanyanyapaa na kuhisi kama ni mkosi ndani ya familia yao, jambo ambalo haileti picha nzuri kwa mwenyewe mwenye ulemavu na hata kwa Mwenyezi Mungu.

Alifahamisha watoto wenye ulemavu waliowengi wanapenda kusoma na mara nyingi Mungu huwajaalia kipaji, hivyo ni budi wapatiwe fursa  mbali mbali ili waweze kutimiza malengo yao waliojiwekea.

‘’Tusiwatenge tuwapeni fursa  watoto wetu wenye ulemau ili nawao wawemo katika Sekta mbali mbali jamani, tutakwenda kuulizwa kesho mbele ya Allah(S,W)’’ alieleza mkuu wa wilaya.

Mapema sheha wa shehia ya Shumba ya vyamboni Time Said Omar alisema wanachukuwa jitihada mbali mbali ya kuwaelimisha jamii kuhakikisha wanawalinda na kuwapatia matunzo watoto wenye ulemavu.

Aidha aliwataka wananchi kutoa taarifa wakati watakamuona mtu mwenye ulemavu yoyote ananyanyapaliwa ili hatua za kisheria ziweze kuchukuliwa dhidi yake.

Nae mama mzazi  wa Abdala Hussein Rashid mwenye ulemavu wa viungo  Bi Time Kombo Juma  mkaazi wa Kwale gongo  alisema  licha ya ulemavu wake alionao mtoto wake  lakini hakumbagua alimpeleka madrasa, skuli na sasa ni mwanafunzi wa darasa la kumi katika skuli ya Sekondari kinyasini wilaya ya wete kaskazini Pemba.

Hivyo aliwataka wazazi  wenzake wenye watoto wenye ulemau wasikate tamaa waige mfano wake, wawasomeshe na wawapatie fursa mbali mbali ambazo zitaleta maendeleo kwao kwani nawao wanauwezo wa kufanya kazi.

Katiba ya Zanzibar ya mwaka 1984 kifungu cha 12[1] kinasema ‘’Watu wote ni sawa mbele ya sheria, na wanayohaki bila ya ubaqguzi wowote, kulindwa na kupata haki sawa mbele ya sheria.


Comments

Post a Comment

Popular posts from this blog

UTELEKEZAJI WA WANAWAKE UNAVYOKATISHA NDOTO ZA WATOTO.

Image
NA FATMA HAMAD, PEMBA …………….. SIRI ya mtungi aijuaye kata……… Wahenga wametupa usia usemao ……Hasira hasara. Wakati mwengine hio hasira sio tu huathiri aliyefanya na aliyefanyiwa, bali watu wa karibu, mbali na hata jamii kwa ujumla. Hili linaonekana sana pale ndoa inapovunjika baada ya wana ndoa kuamua lipasuke tugawane mbao, lakini misumari ya hizo mbao huwachoma na kuwaumiza wengi, wakiwemo wana familia na hasa watoto. Mara nyingi pale wazazi wakiwa wametengana baada ya ndoa kuvunjika watoto hukosa huduma muhimu za maisha na kuathirika kimwili na kiakili na kiza hutanda katika safari yao ya maisha. Mwana harakati maarufu wa kulinda na kutetea haki za watoto kisiwani Pemba, Tatu Abdala Mselem, amekuwa mara kwa mara akiiomba jamii kuvunjika kwa ndoa isiwe sababu ya kila mzazi kufumbia macho wajibu wake wa malezi ya watoto. Hii ni kwa sababu mtoto  anapokosa huduma za lazima sio tu huwa mnyonge na kujiona kama yatima aliyekosa msaada, bali huwa hana furaha anapocheza, na akili yak
Read more

Mkuu wa Polisi Jamii Kaskazini Pemba akerwa na wanao wafungia ndani watoto wenye ulemavu.

Image
                                                     NA FATMA HAMAD PEMBA. Wazazi na walezi wenye watoto   wenye ulemavu wamekumbushwa   kuacha tabia ya   kuwanyanyapaa na kuwafungia ndani   watoto hao, kwani kufanya hivyo ni udhalilishaji kwao. Akizungumza na wananchi wa kijiji cha Tumbe Mashariki katika mkutano maalumu Mkuu wa Polisi Jamii mkoa wa Kaskazini Abdala Majid Haji amesema wapo baadhi ya watu wamekuwa na itikadi potofu ya kuwachukulia watoto wenye ulemavu kama ni watu wasio na faida na badalayake huishia kuwafungia majumbani. ‘’Baadhi yetu hapa tunao watoto wetu wenye ulemavu tumewafungia tu ndani, hawatoki njee eti tunahofia jamii itatucheka,alisema. Alisema Watoto wenye ulemavu nawao ni binadamu kama wengine wanastahiki kupata haki na fursa mbali mbali kama vile Elimu, Afya,Ajira.   Alieleza kuwa ni wakati kwa wazazi wanaoishi na watoto wenye ulemavu   kubadilika na kuhakikisha wanatoa matunzo   sawa na wenzao   wengine wasio na ulemavu. Alifahamisha   udhalilis
Read more

Mrajisi wa Mahakama Zanzibar ahidi kula sahani moja na Mahakimu wasio wadilifu.

Image
        NA FATMA HAMAD,PEMBA Mrajisi wa Mahakama   Zanzibar Valentina Andrew Catema amesema hawatomvumilia Hakimu yoyote atakae kwenda kinyume na   Sheria na taratibu katika utekelezaji wa majukumu yake.   Mrajis huyo ameyasema hayo wakati akizungumza na Watendaji wa Mahakama ya Mkoani na Kengeja katika ziara malumu huko Ofisi za Mahakama ya Wilaya iliyopo Mkoani mkoa wa Kusini Pemba. Amesema wapo baadhi ya Mahakimu wamekuwa na tabia ya Ucheleweshaji wa uwendeshaji na utoaji wa hukumu, jambo ambalo linapelekea watu kukata tama na kushindwa kufuatilia kesi zao. ‘ Kama hukumu inatakiwa itolewe ndani ya siku sitini basi uhakikishe unaitoa ndani ya kipindi hicho kinachotakiwa, vyenginevyo mtawajibika,alisema. Aidha alieleza kuwa endapo watafanya majukumu yao kwa uwadilifu na sheria zinavyoelekeza kutaepusha kutokea kwa malalamiko, na kupelekea Wananchi kupata haki zao bila ya usumbufu.   Kwa upande wake Jaji Mkuu wa Zanzibar Khamis Ramadhan Abdala amewasisitiza watendaji hao kuha
Read more