UDHALILISHAJI BADO NI KILIO KWA WANAWAKE NA WATOTO


 

NA FATMA HAMAD- PEMBA.

Mahakama  maalum inayoshughulikia kesi za udhalilishaji mkoa wa Kusini Pemba imeihairisha kesi ya ubakaji inayomkabili mtuhumiwa Ali Usi Simai mtumzima wa miaka 32 mkaazi wa Mchakwe Muambe anaedaiwa kumbaka msichana wa  miaka  nane (8)ambapo kufanya hivyo ni kosa kisheria.

Akizungumza mbele ya Mahakama hiyo mwendesha mashtaka wa Serikali kutoka Ofisi ya mkurugenzi  wa mashtaka DPP  Seif Mohd Khamis ,aliiambia mahakama  iihairishe kesi hiyo  kwani  upande wa mashtaka hawakupokea  chaji shiti  ya kesi wenyewe.

“Mheshimiwa sikupokea chaji shiti, kwa hivyo siwezi kucheza na haki ya mtu  kwani sijui kilichoandikwa kwenye file hilo naomba uipangie siku nyengine ili niweze kulipitia’’, alisema DPP Seif.

Kwa upande wake wakili wa kujitegemea Saleh Said Moh’d alisema hakubaliani na ombi hilo kwani  wamekuja na mashahidi 4 akiwemo  mwenyewe  mtuhumiwa, hivyo kuihairisha itakuwa shida lazima tuwaangalie  mashahidi wenyewe wametoka mbali jambo ambalo  kuja na kurudi itawaumiza.

Hakimu wa mahakama hiyo Muumin Ali Juma alisema amekubaliana na upande wa mwendesha mashtaka wa  Serikali kwamba hawezi kufanya utetezi kwani hajui kilichoandikwa kwenye file hilo, hivyo hatutoisikiliza kesi hiyo na itarudi tena tarehe 19/3  mwaka huu kwa ajili ya kusikilizwa.

Mtuhumiwa huyo alitenda kosa hilo ambapo ni kosa kinyume na kifungu cha 108 (1) (2) (e) na 109 (1) sheria nambari 6 ya mwaka 2018 sheria ya Zanzibaer.

                        

 

Comments

Post a Comment

Popular posts from this blog

HIVI NDIVYO UTELEKEZWAJI WA WATOTO UNAVYOATHIRI MALEZI, MAKUZI YAO

Image
                 NA FATMA HAMAD, PEMBA UTELEKEZAJI ni ile hali ya wazazi kukwepa majukumu yao ya kutoa matunzo kwa familia zao. Wengi wa wananchi wanadai kwamba, sababu kubwa inayopelekea utelekezaji ni baadhi ya akinababa wanapoamua kuoa mke zaidi ya mmoja, maranyi huwa hawatimizi wajibu wao. Ingawa wapo wengine, hudai kukumbwa na sababu, ya kutafuta maisha kutoka sehemu moja kwenda nyingine, mfano wa wavuvi au wafanyabiashara. Hayo yakifanyika, mafundisho ya dini yanafundisha kuwa, mzazi wa kiume ndio mwenye jukumu kubwa la kutoa matunzo kwa familia yake. Lakini ulimwengu wetu wa leo, kumeibuka wimbi kubwa la baadhi ya wanaume kukwepa majukumu  yao na kuwabebesha mzigo wa malezi wanawake peke yao. Hali hiyo ya wanaume kutokushughulikia familia zao, inasababisha watoto kuishi kwa simanzi na huzuni, kana kwamba wamefiwa na wazazi wao na kukosa familia ya kuwatunza. Kiongozi wa Kanisa Katoliki lililopo Mkungu Malofa Chakechake, Robert Mig...
Read more

‘’KATIBU MKUU ELIMU ‘’TOENI ELIMU YA MALEZI BORA’’

Image
  NA FATMA HAMAD, PEMBA Katibu mkuu wizara ya   Elimu na Mafunzo ya Amali Zanzibar Khamis Abdala Said amewataka wandishi wa habari kuielimisha jamii kufahamu umuhimu wa malezi na makuzi ya awali ya mtoto, ili kufahamu utaratibu wa kuwalea katika kipindi hicho,   na kupatikana kizazi chenye afya njema. Alisema katika visiwa vya Zanzibar bado kuna tatizo la udumavu kwa watoto   kutokana na kukosa huduma muhimu kama vile Afya, Chakula bora, ulinzi pamoja na ushirikishwaji, hasa   katika kipindi cha awali   cha   malezi,   makuzi na maendeleo ya mtoto. Katibu Mkuu huyo aliyasema hayo wakati akifunga mafunzo ya siku nne Waandishi Vinara wa ECD Zanzibar, yaliofanyika Mjini Dar esalam. Alisema wandishi wa habari wanajukumu kubwa katika jamii, hivyo ipo haja kuwaelimisha kufahamu umuhimu wa malezi, makuzi na maendeleo ya awali ya mtoto, ili kupata kizazi chenye madili na afya bora. ‘’Ndugu zangu wandishi wa habari nyinyi   mnadhima kubwa ka...
Read more

UROHO WA MALI KWA WANAUME UNAVYONYIMA WANAWAKE ARDHI

Image
                               NA FATMA HAMAD, PEMBA WANAWAKE wanne pekee wa shehia ya Mchanga mdogo ambao ni wanaufaika wa mfradi wa   Zanzibar Women Leadership in Adaptation (ZAN ADAPT) wako mbioni kuuwaga umaskini wa kipato. Matumaini yao, yanakuja kufuatia wote kwa pamoja kumiliki miti ya biashara na chakula 3,379 ambayo yanaweza kuwaingizia zaidi ya shilingi   Milioni  10.7.   Wanamiliki miembe 22 , wakiamini kama itaaza yote watajivunia wastani wa embe 1,1000 na pindi wakiyauza kwa bei ya juma ya shilingi 500, watajipatia jumla ya shilingi ya shilingi milioni 5,500,000.     Miti mingine wanayomiliki ni Miparachichi 9, ambapo kwa mujibu wa Mwanafunzi anaefanya Digrii ya kilimo   katika Chuo cha Kilimo na Technology cha Mwalimu Nyerere (MNUAT) kilichopo Musoma Tanzania bara   Makame Jafar Juma, anasema kila   mmoja, unauwezo wa kuzaa maparachichi...
Read more