Wawili washikiliwa na Jeshi la Polisi kwa tuhuma za wizi wa mifugo.





FATMA HAMAD FAKI -  PEMBA.

Jeshi la Polisi Mkoa wa Kusini Pemba linawashikilia vijana wawili wakituhumiwa kwa wizi wa mifugo huko Kiwani na Mgagadu Wilaya ya Mkoani  Mkoa wa kusini Pemba.

Kamanda wa Jeshi la Polisi Mkoa wa Kusini Pemba ACP Richard Tadei Mchovu amewataja vijana hao kuwa ni Moh`d Salum (35) Mkaazi wa Kilimani Mgagadu na Yussuf Rashid Moh`d  (30) Mkaazi wa Nanguji Kiwani katika Wilaya ya Mkoani Pemba ambapo wamekamatwa afajiri ya jana June 21 wakiwa na ng`ombe kwenye gari aina ya keri..

Akizungumza na waandishi wa habari huko ofisini kwake Madungu Chake Chake Kamanda Mchomvu amesema watuhumiwa hao wamekatwa na ng`ombe na wawili katika operesheni iliyofanya na jeshi hilo la kudhibiti wizi wa mifugo.

Aidha Kamanda Mchovu ametoa wito kwa wananchi kushirikiana pamoja katika kuzuia wimbi la wizi wa mifugo ambalo limekithiri katika maeneo mbali mbali huku akitoa wito kwa wafuagaji kuwa makini katika uangalizi wa mifugo yao.

Kwa upande mwengine Kamanda wa Polisi Mkoa wa Kusini Pemba ACP Mchovu amesema jeshi hilo pia limefanikiwa kukamata mifugo mengine mbali mbali ya wizi kwenye mkoa huo ikiwemo ya mbuzi na kuku.

Jumla ya kesi 10 za wizi wa mifugo zimeripotiwa tokea kuanzishwa kwa kampeni ya “Familia yangu haina Uhalifu” ilionzishwa na jeshi la Polisi Mkoa wa kusini Pemba katika kukabiliana vitendo vya uhalifu, ikiwemo, wizi, na udhalilishaji.

 

Comments

Post a Comment

Popular posts from this blog

UTELEKEZAJI WA WANAWAKE UNAVYOKATISHA NDOTO ZA WATOTO.

Image
NA FATMA HAMAD, PEMBA …………….. SIRI ya mtungi aijuaye kata……… Wahenga wametupa usia usemao ……Hasira hasara. Wakati mwengine hio hasira sio tu huathiri aliyefanya na aliyefanyiwa, bali watu wa karibu, mbali na hata jamii kwa ujumla. Hili linaonekana sana pale ndoa inapovunjika baada ya wana ndoa kuamua lipasuke tugawane mbao, lakini misumari ya hizo mbao huwachoma na kuwaumiza wengi, wakiwemo wana familia na hasa watoto. Mara nyingi pale wazazi wakiwa wametengana baada ya ndoa kuvunjika watoto hukosa huduma muhimu za maisha na kuathirika kimwili na kiakili na kiza hutanda katika safari yao ya maisha. Mwana harakati maarufu wa kulinda na kutetea haki za watoto kisiwani Pemba, Tatu Abdala Mselem, amekuwa mara kwa mara akiiomba jamii kuvunjika kwa ndoa isiwe sababu ya kila mzazi kufumbia macho wajibu wake wa malezi ya watoto. Hii ni kwa sababu mtoto  anapokosa huduma za lazima sio tu huwa mnyonge na kujiona kama yatima aliyekosa msaada, bali huwa hana furaha anapocheza, na akili yak
Read more

Mkuu wa Polisi Jamii Kaskazini Pemba akerwa na wanao wafungia ndani watoto wenye ulemavu.

Image
                                                     NA FATMA HAMAD PEMBA. Wazazi na walezi wenye watoto   wenye ulemavu wamekumbushwa   kuacha tabia ya   kuwanyanyapaa na kuwafungia ndani   watoto hao, kwani kufanya hivyo ni udhalilishaji kwao. Akizungumza na wananchi wa kijiji cha Tumbe Mashariki katika mkutano maalumu Mkuu wa Polisi Jamii mkoa wa Kaskazini Abdala Majid Haji amesema wapo baadhi ya watu wamekuwa na itikadi potofu ya kuwachukulia watoto wenye ulemavu kama ni watu wasio na faida na badalayake huishia kuwafungia majumbani. ‘’Baadhi yetu hapa tunao watoto wetu wenye ulemavu tumewafungia tu ndani, hawatoki njee eti tunahofia jamii itatucheka,alisema. Alisema Watoto wenye ulemavu nawao ni binadamu kama wengine wanastahiki kupata haki na fursa mbali mbali kama vile Elimu, Afya,Ajira.   Alieleza kuwa ni wakati kwa wazazi wanaoishi na watoto wenye ulemavu   kubadilika na kuhakikisha wanatoa matunzo   sawa na wenzao   wengine wasio na ulemavu. Alifahamisha   udhalilis
Read more

Mrajisi wa Mahakama Zanzibar ahidi kula sahani moja na Mahakimu wasio wadilifu.

Image
        NA FATMA HAMAD,PEMBA Mrajisi wa Mahakama   Zanzibar Valentina Andrew Catema amesema hawatomvumilia Hakimu yoyote atakae kwenda kinyume na   Sheria na taratibu katika utekelezaji wa majukumu yake.   Mrajis huyo ameyasema hayo wakati akizungumza na Watendaji wa Mahakama ya Mkoani na Kengeja katika ziara malumu huko Ofisi za Mahakama ya Wilaya iliyopo Mkoani mkoa wa Kusini Pemba. Amesema wapo baadhi ya Mahakimu wamekuwa na tabia ya Ucheleweshaji wa uwendeshaji na utoaji wa hukumu, jambo ambalo linapelekea watu kukata tama na kushindwa kufuatilia kesi zao. ‘ Kama hukumu inatakiwa itolewe ndani ya siku sitini basi uhakikishe unaitoa ndani ya kipindi hicho kinachotakiwa, vyenginevyo mtawajibika,alisema. Aidha alieleza kuwa endapo watafanya majukumu yao kwa uwadilifu na sheria zinavyoelekeza kutaepusha kutokea kwa malalamiko, na kupelekea Wananchi kupata haki zao bila ya usumbufu.   Kwa upande wake Jaji Mkuu wa Zanzibar Khamis Ramadhan Abdala amewasisitiza watendaji hao kuha
Read more