WANANCHI WAHIMIZWA KUWAPELEKA WATOTO VITUO VYA AFYA KUPATA CHANJO


Wizara ya Afya Zanzibar imewataka Wananchi kujitokeza kwa wingi kuwapeleka watoto wao katika Vituo vya Afya ili kupata chanjo jambo ambalo litawakinga Watoto na maradhi mbali mbali ya mambukizi ikiwemo Pepopunda na Kifaduro.

Akizungumza na Wandishi wa habari huko ukumbi wa Maabara Chake chake Pemba Afisa Mdhamini wizara ya Afya Ustawi wa Jamii Wazee Jinsia na Watoto Yakoub Mohd Shoka amesema zoezi la utoaji wa chanjo litanza rasmi tarehe 26 hadi 30 mwezi huu katika Vituo vyote vya Afya vilivyomo wilaya zote Visiwani hapa.

Amesema  kila mwisho wa  mwezi wa Nne ya kila mwaka, ni wiki ya chanjo ya Afrika ambapo kwa Zanzibar  wizara ya Afya huadhimisha  zoezi la utoaji wa chanjo za kawaida kwa Watoto na akinamama ili kua na jamii isio na mambukizi ambapo kauli mbiu ya mwaka huu ‘’Chanjo huweka Jamii pamoja’’.

Amesema lengo la Chanjo hizo ni kuhakikisha Watoto wote wanapatiwa, ili waweze kuondokana na maradhi hatarishi ikiwemo Saratani ya mlango wa kizazi, Polio, kifua kikuu, Surua, na kifaduro.

Amefahamisha kuwa Serikali ya Mapinduzi ya Zanzibar imedhamiria kufanya jitihada mbali mbali za makusudi ili kuona Watoto wote wanaishi wakiwa na Afya nzuri.




Kwa upande wake mratibu wa huduma ya  chanjo za Mama na Mtoto Pemba Bakar Hamad Bakar amesema licha ya juhudi mbali mbali zinazochukuliwa na Serikali ili kuona Watoto wanaondokana na maradhi ya mambukizi lakini bado wanajamii wanamuhali juu ya chanjo hizo kwa.

Hivyo amewahimiza Watoto wote wenye umri wa miaka 14 kufika vituoni kupatiwa chanjo  ili kujikinga na mambukizi ya  maradhi ya Saratani ya mlango wa kizazi.



 

 

 

Comments

Post a Comment

Popular posts from this blog

UTELEKEZAJI WA WANAWAKE UNAVYOKATISHA NDOTO ZA WATOTO.

Image
NA FATMA HAMAD, PEMBA …………….. SIRI ya mtungi aijuaye kata……… Wahenga wametupa usia usemao ……Hasira hasara. Wakati mwengine hio hasira sio tu huathiri aliyefanya na aliyefanyiwa, bali watu wa karibu, mbali na hata jamii kwa ujumla. Hili linaonekana sana pale ndoa inapovunjika baada ya wana ndoa kuamua lipasuke tugawane mbao, lakini misumari ya hizo mbao huwachoma na kuwaumiza wengi, wakiwemo wana familia na hasa watoto. Mara nyingi pale wazazi wakiwa wametengana baada ya ndoa kuvunjika watoto hukosa huduma muhimu za maisha na kuathirika kimwili na kiakili na kiza hutanda katika safari yao ya maisha. Mwana harakati maarufu wa kulinda na kutetea haki za watoto kisiwani Pemba, Tatu Abdala Mselem, amekuwa mara kwa mara akiiomba jamii kuvunjika kwa ndoa isiwe sababu ya kila mzazi kufumbia macho wajibu wake wa malezi ya watoto. Hii ni kwa sababu mtoto  anapokosa huduma za lazima sio tu huwa mnyonge na kujiona kama yatima aliyekosa msaada, bali huwa hana furaha anapocheza, na akili yak
Read more

Mkuu wa Polisi Jamii Kaskazini Pemba akerwa na wanao wafungia ndani watoto wenye ulemavu.

Image
                                                     NA FATMA HAMAD PEMBA. Wazazi na walezi wenye watoto   wenye ulemavu wamekumbushwa   kuacha tabia ya   kuwanyanyapaa na kuwafungia ndani   watoto hao, kwani kufanya hivyo ni udhalilishaji kwao. Akizungumza na wananchi wa kijiji cha Tumbe Mashariki katika mkutano maalumu Mkuu wa Polisi Jamii mkoa wa Kaskazini Abdala Majid Haji amesema wapo baadhi ya watu wamekuwa na itikadi potofu ya kuwachukulia watoto wenye ulemavu kama ni watu wasio na faida na badalayake huishia kuwafungia majumbani. ‘’Baadhi yetu hapa tunao watoto wetu wenye ulemavu tumewafungia tu ndani, hawatoki njee eti tunahofia jamii itatucheka,alisema. Alisema Watoto wenye ulemavu nawao ni binadamu kama wengine wanastahiki kupata haki na fursa mbali mbali kama vile Elimu, Afya,Ajira.   Alieleza kuwa ni wakati kwa wazazi wanaoishi na watoto wenye ulemavu   kubadilika na kuhakikisha wanatoa matunzo   sawa na wenzao   wengine wasio na ulemavu. Alifahamisha   udhalilis
Read more

Mrajisi wa Mahakama Zanzibar ahidi kula sahani moja na Mahakimu wasio wadilifu.

Image
        NA FATMA HAMAD,PEMBA Mrajisi wa Mahakama   Zanzibar Valentina Andrew Catema amesema hawatomvumilia Hakimu yoyote atakae kwenda kinyume na   Sheria na taratibu katika utekelezaji wa majukumu yake.   Mrajis huyo ameyasema hayo wakati akizungumza na Watendaji wa Mahakama ya Mkoani na Kengeja katika ziara malumu huko Ofisi za Mahakama ya Wilaya iliyopo Mkoani mkoa wa Kusini Pemba. Amesema wapo baadhi ya Mahakimu wamekuwa na tabia ya Ucheleweshaji wa uwendeshaji na utoaji wa hukumu, jambo ambalo linapelekea watu kukata tama na kushindwa kufuatilia kesi zao. ‘ Kama hukumu inatakiwa itolewe ndani ya siku sitini basi uhakikishe unaitoa ndani ya kipindi hicho kinachotakiwa, vyenginevyo mtawajibika,alisema. Aidha alieleza kuwa endapo watafanya majukumu yao kwa uwadilifu na sheria zinavyoelekeza kutaepusha kutokea kwa malalamiko, na kupelekea Wananchi kupata haki zao bila ya usumbufu.   Kwa upande wake Jaji Mkuu wa Zanzibar Khamis Ramadhan Abdala amewasisitiza watendaji hao kuha
Read more